© २०२३
२८ मंसिर २०८२, आइतबार
२८ मंसिर २०८२, आइतबार
नवलपरासी, २३ फागुन ।
पश्चिम नवलपरासीको सुस्ता स्थित एक घरमा आगलागी हुँदा ३ जना घाइते भएका छन् । सुस्ता गाउँपालिका वडा नम्बर ३ सेख्वानामा शुक्रबार मध्याह्न करिब १२ः३० बजेतिर विद्युत सर्ट भै आगलागी हुँदा एकै घरका ३ जना जलेर घाइते भएका हुन् ।
खर टाँटी र त्रिपालले छोपेको करिब ४० मिटर लामो कच्ची घरमा ५ दाजुभाईको परिवार बस्दै आएका थिए । आगलागीमा परेर घाइते हुनेमा बर्ष ४० की सतारुल नेसा, बर्ष ३५ को निजामोदिन मिया र बर्ष २३ को तैमुरदिन मिया रहेको जिल्ला प्रहरी कार्यालयका सूचना अधिकारी प्रहरी निरीक्षक शिव कुमार क्षेत्रीले जानकारी दिए ।
प्रहरीका अनुसार सरुताल नेसाको टाउको, दुबै हात र अनुहारको भाग जली घाइते भएको, निजामुदिन मियाको दुबै हात र खुट्टाको पन्जाको भाग जलेको र तैमुरदिनको दुबै हातमा सामान्य जलन रहेको छ । तिनै जनाको सहिद स्मृति सामुदायिक अस्पताल चौपत्तामा उपचार भैरहेको छ । आगलागीबाट नगद, सुनचाँदी र अन्य जिन्सी सामान सहित २७ लाख बढीको क्षति भएको प्रहरीले जनाएको छ । सुस्ता गाउँपालिका वडा नम्बर ३ का अध्यक्ष हरिलाल दुसादले पालिकाको बिपद ब्यवस्थापनको बैठक बस्ने तयारी भैरहेको जानकारी दिए ।
© २०२३
सर्वाधिकार सुरक्षित
Design & Developed By:
