खोज

अर्घाखाँची:अर्घाखाँची जिल्लाको पवित्र तीर्थस्थल सुपादेउरालीमा आएका दुई समूहबीच नरपानीमा दोहोरो झडप भएको छ । दोहोरो झडप प्रहरी प्रशासनले २ घण्टादेखि प्रयास स्थिति नियन्त्रणमा ल्याएको छ । दोहोरो भिडन्तलाई प्रहरी प्रशासनले २ घण्टादेखि प्रयास स्थिति नियन्त्रणमा ल्याएको छ ।
दोहोरो भिडन्तमा परी घाइते भएका शेरसिंह खनाल र महेन्द्र बञ्जाडेको जिल्ला अस्पताल अर्घाखाँचीमा उपचार भइरहेको छ । स्थानीय चन्द्रप्रकाश महतराले दिएको जानकारी अनुसार दुई पक्षबीच भएको भिडन्तले सुपादेउराली तनावग्रस्त भएको थियो । हाल स्थिति सामान्य बन्दै गएको छ ।
अर्घाखाँचीको नरपानीमा कपिलवस्तुको ४ नम्बरबाट पिकनिक आएको टोली र सन्धिखर्कबाट आएको टोलीबीच सामान्य विषयमा झगडा शुरु भएको थियो । झगडा बढ्दै गएर दुई पक्षबीच दोहोरो भिडन्तसम्ममा पुगेको छ । दुई घण्टासम्म प्रहरीले स्थिति नियन्त्रणमा लिन सकेको छैन भने थप सुरक्षाबल मगाइएको बताइएको छ ।प्रहरी निरीक्षकको कमाण्डमा आएको प्रहरी टोलीले स्थिति नियन्त्रणमा लिन नसकेपछि थप शक्ति मगाउनु परेको बताइएको छ । यतिबेला त्यहाँ हजारौ मानिस जम्मा भएका छन् भने सवारी आवागमन अवरुद्ध भएको छ । घाइते दुईजना सन्धिखर्क पक्षका भएको बताइएको छ ।