खोज

लमही, १८ चैत । नेपालको पछिल्लो राजनीतिक समिकरण अनुसार लुम्बिनी प्रदेश सरकारको नेतृत्व नेकपा (माओवादी केन्द्र) ले पाउने निश्चित झै बनेको छ । हालसम्मको छलफल अनुसार माओवादी केन्द्रले लुम्बिनी सरकारको नेतृत्व गर्ने सम्भावना बढेको छ । यदी माओवादी केन्द्रले सरकारको नेतृत्वमा पाएमा रोल्पा निर्वाचन १ (क) बाट निर्वाचित जोखबहादुर महरा मुख्यमन्त्री हुने पक्का भएको छ । उनकै नेतृत्वमा बन्ने सरकारमा रोल्पा १ (ख) बाट निर्वाचित रोल्पा दीपेन्द्र कुमार पुनमगर ‘सिजल’ पनि मन्त्री बन्ने सम्भावना बढेको छ ।

२३ गते भित्र सरकारको नेतृत्व परिवर्तन हुन सक्ने भएको छ । केन्द्रको गठबन्धनको समीकरण फेरियसगै मुख्यमन्त्री दिल्ली बहादुर चौधरीले २२ गते बिश्वासको मत लिनु पर्ने हुन्छ।अहिले राजनीति समीकरण हेर्ने हो भने मुख्यमन्त्री चौधरीको स्पष्ट बहुमत ल्याउने सम्भावना न्यून रहेको देखिन्छ । लुम्बिनीमा नयाँ सरकार गठनका लागि केही दिनदेखि लगातार रूपमा माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली र एकीकृत समाजवादीका अध्यक्ष माधवकुमार नेपालबीच भइरहेको वार्ता तथा सम्वादको आधारमा लुम्बिनी प्रदेश सरकारको नेतृत्व माओवादीले गर्ने सम्भावना बढेको स्रोत बताउँछ ।

सम्भावित भागबन्डामा लुम्बिनी प्रदेश सरकारको नेतृत्व माओवादी केन्द्रले लिने गरी छफल घनीभुत रूपमा भएको नेकपा (माओवादी केन्द्र) लुम्बिनी संसदीयका नेता जोखबहादुर महराले बताए । नेकपा (माओवादी केन्द) पार्टी, संसदीय दल, मुख्य नेतृत्वहरू सबैले सरकारको नेतृत्व पार्टीले लिनु पर्दछ भन्ने छ । हालसम्म पार्टीका उच्च नेतृत्वहरूपनि लुम्बिनीमा पार्टीले नै लिनुपर्ने पक्षमा रहेको छ ।” उनले भने–“पार्टीका नेताहरू लाग्नुभएको छ त्यसमात्रै होइन सत्ता समिकरण दल पनि माओवावादी केन्द्रलाई दिनु पर्दछ भन्नेमा सकरात्मक रूपमा रहेको रहेको महराले बताए ।
यस्तै लुम्बिनी प्रदेशका इन्चार्ज एवं नेकपा (माओवादी केन्द) का सचिव चक्रपानी खनाल ‘बलदेव’ ले लुम्बिनीमा माओवादी केन्द्रकै नेतृत्वमा सरकार बन्ने गरि छलफल भएको बताए । “हामीले दुईपटक अरूलाई बनायौँ, हाम्रो पार्टीको नेतृत्वमा नै सरकार बन्दछ, सरकारबाट जनताको जनजिविकाको सवाललाई नयाँ ढंगले सम्वोधन गर्नुपर्दछ उनले भने । यद्यपि माओवादी केन्द्रले सरकारको नेतृत्व पाएन भने नेकपा एमालेले लिने र सरकारको नेतृत्व लिला गिरिले लिने छन ।लुम्बिनी प्रदेशमा ८७ सदस्यीय प्रदेशसभा सदस्य रहेका छन् । बहुमतका लागि ४४ सांसद चाहिन्छ । कांग्रेससँग २७ ,राप्रपा (४), लोसपा (३), जनमत (३), जनमोर्चा (१) को समर्थन जुटाउँदा पनि मुख्यमन्त्री चौधरीले बहुमत जुटाउन सक्ने अवस्था देखिदैन ।

एमाले–माओवादी गठबन्धनसँग पनि प्रष्ट बहुमत छैन । एमाले (२९) माओवादी (सभामुखसहित ११), जसपा (३) र एकीकृत समाजवादी (१) जोड्दा ४१ हुन्छ । नागरिक उन्मुक्ति पार्टीको समर्थन लिएर हालको गठबन्धन सरकार जोगाउने सक्ने सम्भावना पनि देखिन्छ ।