खोज

भैरहवा (बुटवलटुडे), ११ असोज । रूपन्देही जिल्लाको भैरहवामा अवस्थित भीम अस्पताल बिभिन्न तथ्यांकले लुम्बिनी प्रदेशमा अग्रपंक्तिमा आएको छ । लुम्बिनी प्रदेशमा रहेका १२ वटा अस्पताल मध्ये भीम अस्पताल तेस्रो नं. मा आउन सफल भएको भीम अस्पताल विकास समितिका अध्यक्ष नारायण प्रसाद भण्डारीले बताए ।

भीम अस्पतालमा भएको वार्षिक समीक्षा गोष्ठीमा बोल्दै अध्यक्ष भण्डारीले बिगतका वर्षको तुलनामा कार्य प्रगति धेरै राम्रो भएको बताएका छन् । दैनिक २–३ सय बिरामीको उपचार गर्ने भीम अस्पतालले आज दैनीकरूपमा ७ सयदेखि ८ सय सम्म सेवा दिनु जिल्लाका लागि र प्रदेशकै लागि उत्कृष्ट भएको बताए । सरकारबाट बजेट कटौती भएपनि विकास समितिले धेरै अस्पतालको विकासमा काम गरेको बताए । प्रादेशीक अस्पताल बुटवललाई बजेट दिँदा भैरहवाको अस्पताललाई बजेट नदिनु अन्याय भएको बताए ।

हामीले आज एसी, पंखा, ह्वील चेयर दातासंग मागेर सहयोग उठाएर अस्पताल चलाउनुपर्ने बाध्यता छ भण्डारीले भने अस्पतालमा भीड बढेको छ पहिलेको तुलनामा धेरै कार्य प्रगति भएको छ तर सरकारले बजेटमा कटौती गरिदिएको छ । कोभीडको २ करोड ४९ लाख रकम अझैपनि सरकारबाट अस्पतालले नपाएको बताउँदै भण्डारीले अस्पतालका समस्या समाधानमा प्रदेश सरकारले ध्यान नदिएको बताए । सरकारले हामीलाई भौगोलिकरूपमा पक्षपात गरेको छ हामी भोलेन्टीयर काम गर्दा यो टिम लाग्दा सरकारले किन पक्षपातको ब्यवहार गर्यो भण्डारीले प्रश्न गर्दै भने, हामी कोभिड अस्पतालको समयमा वडा अध्यक्षलाई पेटीमा राखेर अक्सीजन दिएका हौँ । आज दाताले दिएका कारण नै अक्सीजन सेवा दिएका छौँ । हाम्रा बहुवर्षिय योजनाहरू सरकारले बजेट उपलब्ध नगराउँदा अलपत्र परेका छन् भण्डारीले भने ।

बिभिन्न सुचकमा समेत भीम अस्पतालले एक सय पूर्णाङ्कमा ८८ नं. पाएको छ । लुम्बिनी प्रदेशका स्वास्थ्य निर्देशनालयका निमित्त निर्देशक रामजनम कुर्मीले अस्पतालले सेवा ग्राहीलाई सहजतामा ध्यान दिनुपर्ने बताए । जिल्ला स्तरको अस्पताल भएकाले ३ वर्षको अबधीमा ९० प्रतिशत सम्मको प्रगति हुनुपर्ने बताए । डाक्टरको राम्रो ब्यवहार छ भने दिनरात लाइन लाग्ने तर ब्यवहार राम्रो नभएमा बिरामी अन्यत्र जाने हुँदा राम्रो ब्यवहार गर्नुपर्ने बताए ।

रूपन्देही जिल्लाका प्रमुख जिल्ला अधिकारी गणेश अर्यालले सरकारी अस्पताल जनताको बाध्यता क्षेत्र होइन रोजाइको क्षेत्र बन्नु पर्ने बताए । नागरिकलाई सन्तुष्टी दिनका लागि आग्रह गर्दै अर्यालले गेटबाट प्रबेश गर्दा नै अस्पतालमा सेवा लिनेले म सेवा लिएपछि नीको भएर जान्छु भएर जानुपर्ने बताए । सरकारी निकायमा भएका स्रोत र साधनलाई उपयोग गर्नुपर्ने उनको तर्क थियो ।

जिल्ला समन्वय समितिका संयोजक उमाकान्त चपाँइले अस्पतालमा मुस्कान सहितको सेवा पहिलो हुनुपर्ने बताए । रूपन्देही जिल्ला शिक्षा, स्वास्थ्यमा अंगाडी नै भएको बताउँदै भीम अस्पताल लुम्बिनी प्रदेशमै तेस्रो हुनु राम्रो काम भएको बताए । अस्पताल विकास समितिका सदस्य लक्ष्मि केसीले भीम अस्पतालका बहुवर्षिय बजेट सरकारबाट कटौती हुनु गलत काम भएको बताइन । बजेट, सेवा सुबिधा कटौती हुँदा केही पछाडी परे जस्तो भएको बताउँदै अस्पताल प्रदेश सरकारबाट बिभिन्न सेवा, सुबिधाबाट बञ्चीत भएको बताइन । भीम अस्पतालका मेसु मोहम्मद नुरुल होदाले भीम अस्पतालले गरेका बिभिन्न प्रगति बिविरण प्रस्तुतीकरण गरेका थिए ।