खोज

बुटवल,५ साउन । कनेक्ट अष्टेलियन एजुकेशन तथा भिजा सर्भिस कन्सल्टेनसीले आफ्नो नवौं शाखा बुटवलको मैत्रीपथमा शुरु गरेको छ । स्टुडेन्ट भिसामा अष्ट्रेलिया गएर लामो समय त्यहां बसेका र फर्केका युवाहरुको समूहले सन् २०१७ देखि चितवनबाट शुरु गरेको यो कन्सल्टेन्सीले विद्यार्थी र अभिभावकको चाहना अनुसार बुटवलमा पनि सेवा सुरू गरेको सिईओ देवराज कंडेलले बताए । कन्सल्टेन्सीको शाखा शुभारम्भबारे जानकारी दिन आयोजित पत्रकार सम्मेलनमा संस्थामा आवद्ध मेघराज कंडेल, शम्भु पन्त, रोशन न्यौपाने, हुमराज भुसाल लगायतले कनेक्ट अष्टेलियन एजुकेशनले एकाउन्ट, नर्सिङ हेल्थ, इन्फरमेशन टेक्नोलोजी, कृषि, कम्प्युटर साइन्स, साइकोलोजी, पर्यटन तथा होटल व्यवस्थापन, कृषि विज्ञान, इन्जिनियरिङको अध्ययनका लागि विदेश जान चाहनेहरुलाई सही परामर्श दिने बताए । विद्यार्थीले सही परामर्श दिने संस्था साथ नपाए समस्या आउन सक्ने भएकाले सही र गुणस्तरीय परामर्शमा कनेक्ट अब्बल रहेको दावी गरे । यसैबीच कनेक्टले शनिबार बुटवलको मेरिगोल्ड होटेलमा वृहत सेमिनार सहित शाखा उद्घाटन गर्ने जनाएको छ । कार्यक्रममा चर्चित हास्य कलाकार राजा राजेन्द्र लगायत उपस्थित हुने जानकारी गराएको छ ।