© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल,१० चैत । सिटिजन्स बैंक इन्टरनेसनल सौ फर्साटिकर शाखाले ग्लोबल मनी विकको अवसरमा वित्तीय साक्षरता अन्तर्गत शुद्धोधन गाउंपालिका ५ मानपकडीको भगलापुर माविमा डिजिटल बैंकिङ कार्यक्रम सम्पन्न गरेको छ । कार्यक्रममा बैंकको सौफर्साटिकर शाखाका प्रबन्धक अर्जुन उपाध्यायले डिजिटल बैकिङको महत्व, यसको प्रयोग गर्ने तरिका लगायतबारे जानकारी दिंदै डिजिटल बैकिङ कारोबार गर्दा बैंकमा पुगेर लाइन बस्नु नपर्ने र घर अफिसमै बसेर धेरैजसो बैंकिङ कारोबार गर्न सकिने भएकाले समयको वचत र सुरक्षित हुने बताए । यस्तै बैंकको अमुवा शाखा प्रबन्धक डिबी राना,मानपकडी शाखा प्रबन्धक विपिन भण्डारी,छपिया शाखा प्रबन्धक परिक्षित ज्ञवाली, विद्यालयका प्राचार्य कृष्णप्रसाद भुसाल,बैंक सौ फर्साटिकर शाखाका सहायक प्रबन्धक सुरेश पौडेलले विद्यार्थीहरुलाई डिजिटल बैकिङ कारोबार र यसका फाइदाहरु जानकारी गराउंदै वित्तीय साक्षरताका विविध पक्षबारे जानकारी गराएका छन् । कार्यक्रममा कक्षाका व्यवस्थापन संकायका ५० जना भन्दा धेरै छात्र छात्रा सहभागिता रहेका थिए ।
© २०२३
सर्वाधिकार सुरक्षित
Design & Developed By:
