खोज

गुल्मीमा लामो साहित्यिक ईतिहास बोकेको किरण पुस्तकालयको स्वर्ण जयन्तीको अबसरमा अत्याधुनिक भबन निर्माण गरिने भएको छ ।
जिल्ला सदरमुकाम तम्घास स्थीत लाकुरीमञ्च अगाडि निर्माण गर्न लागिएको उक्त पुस्तकालय भवनको नेपाल सरकारका श्रम रोजगार तथा सामाजिक सुरक्षामन्त्री गोकर्ण बिष्टले शिलान्यास गरेका छन् । किरण पुस्ताकालयको स्वर्ण जयन्ती वर्षको अवसरमा जिल्ला सदरमुकाम तम्घासमा करिब पाँच करोडको लागतमा उक्त सुबिधा सम्पन्न पुस्तकालय भवनको निर्माण गर्न लागिएको किरण पुस्तकालय गुल्मीका संस्थापक एवं हाम्रो पुरुषार्थका सम्पादक शशि पन्थीले बताएका छन् । जिल्लाको सदरमुकाम तम्घासमा रहेको किरण पुस्तकलय गुल्मी जिल्लाको ईतिहासमा सबै भन्दा पुरानो पुस्तकालय हो । २०२५ सालमा स्थापना भएको उक्त पुस्तकालयवाट विभिन्न विद्धानहरूद्वारा लिखित ईतिहास, साहित्य, धर्म संस्कृति, दर्शन गरि एक दर्जन भन्दा बढी पुस्तकहरू प्रकाशित भएका छन् । उक्त पुस्तकालयमा आठ हजार भन्दा बढी विभिन्न ऐतिहासिक पुस्तक, ग्रन्थ र पत्रपत्रीकाहरू रहेका छन् । नेपाली साहित्यि र पुस्तकालय क्षेत्रमा काम गर्दै आएको पुस्तकालयवाट लामो समयदेखि त्रैमासिक रूपमा निरन्तर हाम्रो पुरुषार्थ नामक साहित्यिक पत्रिका समेत प्रकाशन गर्दै आईरहेको छ । उक्त भवनको शिलान्यास गर्दै श्रम रोजगार तथा सामाजिक सुरक्षा मन्त्री बिष्टले सूचना र संचारको विकासले मानिसको जीवन परिवर्तन गरि सकारात्मक सोंचको विकास गर्न मद्दत पुराउने भन्दै त्यसका लागि सरकार सुखि नेपाली र संमृद्ध नेपाल बनाउने काममा लागि रहेको बताए । उनले धेरै बिकसित देशहरू त्यहि देशका जनताहरूको मेहनतबाट प्रगती भएको बताए । उनले पुस्तकालय भवन निर्माण कार्य सम्पन्न रकमको कुनै अभाव हुन नदिने प्रतिवद्धता व्यक्त गर्दै त्यसका लागि नेपाल सरकारबाट रकम उपलब्ध गराउने वाचा गरेका थिए ।