खोज

अस्पताललाई ४० लाख बढिका उपकरण
कपिलबस्तु, १० कार्तिक– अमेरिकी अन्तर्राष्ट्रिय गैर सरकारी संस्था हेल्पीङ्ग हेन्ड् फर रिलीफ एण्ड डेभलप्मेन्टले जिल्लाको दुई अस्पतालमा ४० लाख बढिका स्वास्थ्य उपकरण र सामग्री प्रदान गरेको छ ।
ह्युुमन रिलीफ अर्गनाईजेशन नेपाल नामक संस्थाको समन्वयमा अमेरिकी अन्तर्राष्ट्रिय गैर सरकारी संस्था हेल्पीङ्ग हेन्ड् फर रिलीफ एण्ड डेभलप्मेन्टले दुई अस्पताललाई सो सामग्री हस्तान्तरण गरेको हो । संस्थाले पाँच बर्षिय परियोजना अनुसार कपिलवस्तुको तौलिहवा अस्पतालमा २२ लाख १९ हजार मुल्यको र कपिलवस्तु सामुदायिक अस्पतालमा १७ लाख ८६ हजार बराबरको उपकरण र स्वास्थ्य सामग्री हस्तान्तरण गरेको थियो । तौलिहवा अस्पतालमा हस्तान्तरित सामाग्रीमा आईसियु बेड, डेन्टल चेयर, नेबुलाईजर, फोरसेप, पेट कार्ड लगायतका २२ लाख १९ हजार मूल्यका उपकरण स्वास्थ्य सामाग्री छन । तौलिहवामा २२ लाख १९ हजार मुल्यका ८४ प्रकारका सामग्री प्रदान गरि बिपन्न र गरिबलाई उपचारका लागी सहज बातावरण बनाउने प्रयास गरिएको हेल्पीङ्ग हेन्ड् फर रिलीफ एण्ड डेभलप्मेन्टका कार्यक्रम प्रबन्धक जिव पोख्रेलले बताए । त्यसैगरि संस्थाले प्रतिनिधि सभाका साँसद अतहर कमाल मुसलमानको समन्वयमा कपिलवस्तु सामुदायिक अस्पतालमा सोहि प्रकृतीका स्वास्थ्य सामग्री र उपकरण प्रदान गरेको हो । संघिय साँसद बृजेश कुमार गुप्ता, प्रदेश सभा ५ का सदस्य धर्म बहादुर लाल श्रीवास्तब, कपिलवस्तु नगरपालिकाका प्रमुख किरण सिंह र उपप्रमुख लक्ष्मी गुप्ताको रोहवरमा संस्थाका कार्यक्रम प्रबन्धक जिव पोख्रेलले जिल्ला स्वास्थ्य कार्यालय कपिलवस्तुका बरिष्ठ जनस्वास्थ्य प्रशासक योगेन्द्र भगतलाई सामाग्री हस्तान्तरण गरेका थिए । आफूहरूको पाँच बर्षिय परियोजना अनुसार कपिलवस्तुको तौलिहवा अस्पतालमा आफूहरूले कपिलवस्तु, काठमान्डौ र झापा गरि तीन जिल्लामा पाँच बर्षिय परियोजना अन्तर्गत गरिब, बिपन्न बालबालिकालाई सहयोग, शुद्ध खानेपानी व्यवस्थापन अन्तर्गत फल्टर जडान, दैवी प्रकोप केन्द्रित सहयोग कार्यक्रम, बिपन्नको सिप बिकास र स्वास्थ्यकेन्द्रमा उपकरण र औषधी सहयोग गर्दै आएको जनाए । “हामीले तिनै जिल्लामा बार्षिक ३ कन्टेनर औषधी र उपकरण प्रदान गर्ने योजनामा छौ । सरकारले कर छुटमा पहल गरे बाँकी तिन कन्टेनर औषधी र उपकरण पनि ल्याएर बितरण गर्छौ ।” कार्यक्रम प्रबन्धक पोख्रेलले भने । परियोजना अन्तर्गत जिल्लाको कपिलवस्तु सामुदायिक अस्पताल र तौलिहवा अस्पतालमा स्वास्थ्य उपकरण र सामाग्री प्रदान गरिएकोमा सो कार्यलाई आगामी बर्षमा समेत निरन्तरता दिइने कार्यक्रमका जिल्ला संयोजक असद कमालले बताए । परियोजना अन्र्तगत गत बर्ष १ सय ५० गरिब र बिपन्न बालबालिकालाई शैक्षिक सामग्री र नगद सहयोग गरिएको समन्वयकारी संस्था ह्युुमन रिलीफ अर्गनाईजेशन नेपालका सचिव गुफरान अहमदले जानकारी दिए ।
तौलिहवा अस्पताललाई ५० शैयामा स्तरोन्नतिको निर्णय कार्यानवयन गराउन आफू लागि परेको प्रतिनिधिसभाका साँसद बृजेश कुमार गुप्ताले बताए । तौलिहवा अस्पतालमा प्रदान गरिएको सामग्री गरिब र बिपन्नको उपचारका लागि सहयोगी हुने उनको तर्क थियो । न्यून आय भएका नागरिकले सवा लिँदै आएका अस्पतालहरूमा संस्थाले प्रदान गरेको सामाग्रीको सदुपयोग हुनका साथै उपकरणको सहि प्रयोग हुनेमा बिश्वस्त रहेको प्रतिनिधिसभाका सदस्य अतहर कमालले बिश्वास व्यक्त गरे । à