© २०२३
६ मंसिर २०८१, बिहीबार
६ मंसिर २०८१, बिहीबार
बुटवल,१६ पुस । सरकारमा सहभागिताको विषयमा टुंगो लगाउन नेकपा एकीकृत समाजवादीले शनिबार स्थायी समितिको बैठक बोलाएको छ।
आलोकनगरस्थित केन्द्रीय कार्यालयमा बस्ने बैठकले सरकारमा सहभागी हुने या नहुने बारे ठोस निर्णय लिने नेताहरुले बताएका छन् । पार्टीभित्र सरकारमा जाने र नजाने विषयमा दुई थरि धारणा छन् ।
केहीले निर्वाचनको अभिमतको सम्मान गर्दै पार्टी प्रतिपक्षमा बस्नुपर्ने बताएका छन् भने केहीले सरकारमा सहभागी भएर पनि जनताको सेवा गर्दै संगठन सुदृढीकरणमा लाग्नुपर्ने जस्ता धारणा राख्दै आएका छन्।
वैठकमा निर्वाचनमा पार्टीले प्राप्त गरेको परिणामको समीक्षा, पछिल्लो पटक विकास भएको राजनीतिक घटनाक्रममा पार्टीले निर्वाह गर्ने भूमिका, आगामी दिनका लागि रणनीति तथा कार्ययोजना, पार्टीले सरकारमा सहभागी नभए पनि सरकारलाई समर्थन गर्नेबारे निर्णय लिने केन्द्रीय प्रचार विभाग प्रमुख जगन्नाथ खतिवडाले जानकारी दिए ।
पार्टीले पछिल्लो समय जनवर्गीय संगठनका साथै प्रवासमा रहेका पार्टी निकट संगठन, शुभेच्छुकसँग सुझाव लिएको छ।
© २०२३
सर्वाधिकार सुरक्षित
Design & Developed By:
