खोज

कपिलवस्तु सदरमुकाम तौलिहवामा बिबिध कार्यक्रमको आयोजना गरि चौथो सुरक्षित गर्भपतन दिवश मनाइएको छ ।
कपिलवस्तु नगरपालिका, सुनौलो परिवार नेपाल, मेरिस्टोप्स सेन्टर र नेपाल परिवार नियोजन संघ कपिलवस्तुको आयोजनामा दिवशका अवसरमा अन्तरक्रियात्मक कार्यक्रमको आयोजना गरिएको हो । सो अवसरमा सहभागीले सुरक्षित गर्भपतनलाई सरकारले मान्यता दिए सगै महिला अधिकार संरक्षणका क्षेत्रमा उदाहरणीय कार्य भएको बताए ।
सन्तान जन्माउने बिषय महिलाको अधिकार भएकाले महिला अधिकार संरक्षणका लागी सुरक्षित गर्भपतन सेवा पनि उपभोग पाउनु पर्ने सहभागीले बताए । बिश्वमा प्रत्यक बर्ष २ करोड महिला तथा किशोरीले असुरक्षित गर्भपतन गराउने गरेको मेरिस्टोप्स सेन्टर तौलिहवाका संयोजक मनिराम पाण्डेयले बताए ।
बिश्वमा प्रत्यक बर्ष ४४ हजार महिलाको मृत्युको मुख्य कारक असुरक्षित गर्भपतनले हुने गरेको र मातृमृत्युको ८ प्रतिशत संख्या असुरक्षित गर्भपतन भएको उनले बताए । नेपालमा गर्भपतनले कानुनी मान्यता पाउनु अघि अस्पतालमा प्रसुतीको रोगमा भर्ना भएका महिला मध्य ५४ प्रतिशतमा गर्भपतनको जटिलता भेटिएको नेपाल परिवार नियोजन संघका शाखा प्रबन्धक उद्धवदेव भट्टले जानकारी दिए । गर्भपतनले कानुनी मान्यता पाउनु अघि स्वास्थ्य संस्थामा मातृमृत्यु भएका महिलामा २० प्रतिशत गर्भपतनको जटिलता देखिएको र सो समय २० प्रतिशत थुनामा रहेका महिला गर्भपतन र भ्रुण हत्या गराएको अभियोगमा थुनामा गएको उनले तथ्य प्रस्तुत गरे । नेपाल सरकारले सुरक्षित गर्भपतनलाई कानुनी मान्यता प्रदान गरेसँगै महिलाको स्वास्थ्य अधिकारको सुरक्षामा आमुल सुधार आई मातृमृत्युको दरमा कमी आएको कपिलवस्तु नगरपालिकाका प्रमुख प्रकाशकिय अधिकृत बिमलराज आचार्यले बताए । कपिलवस्तु नगरपालिका समेत महिलाको स्वास्थ्य अधिकार सुरक्षाका लागि प्रतिबद्ध रहेको आचार्यको भनाइ थियो । कार्यक्रममा कपिलवस्तु नगरपालिकाका स्वास्थ्य समन्वय ईकाई प्रमुख उमेश कुमार गुप्ता र नेपाल परिवार नियोजन संघ कपिलवस्तु शाखाका सुपरभाईजर भुपेन्द्र रानाले दिवसको सन्दर्भ बारे प्रकाश पारेका थिए ।