खोज

प्रदेश नम्बर ५ का उद्योग, वन तथा वातावरण मन्त्री लिला गिरीले पूर्ण रूपमा कानुन नबन्दा समस्या भएको भन्दै छिट्टै उपभोक्ता मैत्री कानुन आउने बताएका छन् ।  उपभोक्ता हित संरक्षण मञ्च नेपाल सैनामैनाले सैनामैनामा आयोजना गरेको उपभोक्ता सचेतना कार्यक्रमलाई सम्बोधन गर्दै उनले पूर्ण रूपमा कानुन बनिसकेपछि बजार अनुगमनलाई निरन्तरता दिने बताएका हुन । उनले भने–‘विकास निर्माणको काम एक दुई वर्ष ढिलो भए पनि हुन्छ तर जनताको स्वास्थ्यसँग प्रत्यक्ष जोडिएको उपभोग्य बस्तुको सरकारले बजार अनुगमन गरी जनतालाई गुणस्तरिय बस्तु आवश्यक छ ।’
सरकार सँग प्राविधि युक्त प्रयोगशाला प्रयाप्त मात्रामा नहुँदा अनुगमनमा समस्या परेको भन्दै उनले कृिषमा समेत विषादीको प्रयोगले गर्दा उपभोक्ताहरू मारमा बताएका थिए । किसानले विषादी प्रयोगले गर्दा नेपालमा उत्पादन भएको अदुवासमेत भारतले किन्न नमानेको उनको जिकिर थियो । जनताले स्वच्छ, स्वस्थ्यकर, उचित मुल्यमा सहि तौलमा उपभोग गर्न पाउनुपर्छ गिरीले भने यसको लागि उपभोत्ता समेत सचेत हुनु पर्ने बताए । तिनै तहको सरकारले उपभोक्तहरूको हक हित संरक्षणमा लाग्ने बताएका थिए ।
उपभोक्ता हित संरक्षण मञ्च नेपालका केन्द्रीय अध्यक्ष ज्योति बानियाले संविधानमा उपभोक्ताहरूको हक हित संरक्षण गरिएपनि ब्यवहारमा लागु हुन भने नसकेको बताए । उपभोक्ताहरू हरेक वस्तु किन्दा ठगिने, गुणस्तरहीन बस्तु पाउने गरेको बताउँदै यसको लागि सरकारले प्रभावकारी अनुगमन गर्नुपर्ने बताए ।
दाल, चामल, नुन, तेल, ग्याँस किन्दा जनता ठगिएका छन् बानियाले भने–‘सरकारले खै त अनुगमन गरेर उपभोक्तालाई गुणस्तरिय बस्तु उपभोग गराएको, उपभोक्ता आफै सचेत बनी आफै ठगिनबाट जोगिन आवश्यक छ । ’
बस्तु गरिद गर्दा उत्पादन उपभोग मिति, गुणस्तरिय छ की छैन,तौल अनुसार छ की छैन हेर्नुपर्ने भन्दै उनले सम्बन्धित निकायमा उजुरी गर्न आग्रह समेत गरे ।
क्षेत्रीय गुणस्तर नाप तौल विभाग भैरहवाका प्रमुख हस्त बहादुरराईले बजारमा नियमितर विशेष खालको अनुगमन गर्दै आएको बताउँदै स्थानीय तहसँग प्राविधिक टोली नभएकाले अनुगमन गर्न नसकेको बताएका थिए । स्थानीय सरकारसँग मिलेर विभागले बजारमा प्रभावकारी अनुगमन गरिने उनले बताए । खाद्य बस्तु स्वच्छ, गुणस्तर हुनुपर्ने बताउँदै उनले विभागले प्रभावकारी बजार अनुगमन गर्ने बताए । सैनामैना नगरपालिकाका प्रमुख प्रशासकिय अधिकृत कृष्ण प्रसाद भण्डारीले नगरपालिकाले उपभोक्ताको हित संरक्षणमा काम गर्ने बताएका थिए ।
उपभोक्ता हित संरक्षण मञ्च नेपाल सैनामैनाका अध्यक्ष दुर्गा प्रसाद गौतमले उपभोक्ताको अधिकारीका लागि निरन्तर पैरवी गर्ने बताए । नगरका ११ वटै वडामा वडास्तरको सञ्जाल गठन गरी उपभोक्ता सचेतनाको अभियान सञ्चालन गरिने उनले बताए । कार्यक्रममा सैनामैना नगरपालिका उपमेयर विनाराना, मञ्जु ज्ञवाली, दिनेश पन्थी लगायतले बोलेका थिए । à