खोज

संविधान दिवस विभिन्न कार्यक्रम गरी मनाईएको छ । प्रदेश नं. ५ प्रदेश सरकारले वुधवार विभिन्न कार्यक्रम गरी यो दिवश मनाएको हो । प्रदेश सरकारको अगुवाईमा सरकारी तथा गैरसरकारी संघ संस्था, व्यवसायीहरूको सहभागीतामा बुटवलमा प्रभातफेरी निकालिएको थियो । मुख्यमन्त्री तथा मन्त्रिपरिषद कार्यालय परिसरबाट शुरु भएको विभिन्न झाँकीसहितको प्रभातफेरि नगर परिक्रमा गर्दै बुटवल बहुमुखी क्याम्पस परिसरमा भव्य कार्यक्रम गर्दै सम्पन्न भएको छ । संविधान दिवस मुल समारोहलाई सम्बोधन गर्दै माननीय मुख्यमन्त्री शंकर पोखरेलले अहिले मुलुकमा राष्ट्रिय एकता, सद्भाव, भातृत्व र मेलमिलापको खाँचो औंल्याए ।
उनले भने – राष्ट्रिय एकताको जगमा नै मुलुकको विकास र समृद्धिको गतिशील यात्रा संभव छ । राजनीतिक स्थायित्व र सुशासन विना विकास र समृद्धिको कल्पना गर्न सकिँदैन ।’ ¥यालीपछि उत्कृष्ट झाँकीलाई पुरस्कृत गरिएको थियो ।
त्यसैगरी जिल्ला समन्वय समितिको आयोजनामा संविधान दिवस मनाईएको छ । संविधान दिवसको अवसरमा जनप्रतिनिधि, कर्मचारी र सुरक्षाकर्मी सहितको प्रभातफेरी ¥याली उद्योग बाणिज्य संघमा पुगेर सभामा परिणत भएको थियो । जिल्लामा गठित संविधान दिवस मुल समारोह समितिको आयोजनामा तीन दिनसम्म दिवस मनाउने निर्णय गरि सरसफाई, ब्याडमिन्टल प्रतियोगिता, साहित्यिक लगायतका कायक्रम गरेर मनाउँदै आइरहेको छ ।
यता नेपाली कांग्रेस बाणगंगा नगरपालिका वडा नं. १ ले संविधान दिवसका अवसरमा अन्तरक्रिया कार्यक्रम सम्पन्न गरेको छ । नेपालीको ठूलो त्याग र बलिदानीपछि शुसिल कोइरालाको नेतृत्वमा बनेको संविधान पूर्ण कार्यन्वयन आवश्यक रहेकोमा सो अवसरमा बोल्ने बतmाले जोड दिएका थिए ।
बहुमतको आडमा सरकाले जनताको भावना विपरित काम गरेको बताउँदै त्यस्ता कदम नसच्चिए नेपाली कांग्रेस सडकमा आउने समेत उनीहरूले बताए । सो अवसरमा नेपाली कांग्रेसका महासमिति सदस्य दुर्गा सेन, पुर्व महासमिति सदस्य दोलकराम घिमिरे, नेपाल नागरिक समाजका जिल्ला अध्यक्ष युवराज केसि, कांग्रेस नेता कृष्ण गुरुङ, दयाराम पौडेल वडा अध्यक्ष मनिराम शर्मा, सचिव झलक मल्ल लगायतले आ–आफ्नो धारणा राखेका थिए ।
सल्यानमा संविधान दिवसको अवसरमा जिल्लाका विभिन्न स्थानमा कार्यक्रमहरू सम्पन्न भएका छन् । कतै हाजिरीजवाफ र कतै सरसफाइ कार्यक्रम दिवसको अवसरमा भएका छन् । जिल्ला सदरमुकाममा पनि दिवस मनाउन गठन गरिएको मुल समारोह समितिको आयोजनामा एक कार्यक्रम सम्पन्न भएको छ ।
कार्यक्रममा प्रदेश सभा सदस्य गुलावजंग शाहले नेपालको संविधान सबैभन्दा राम्रो भन्दै यसको प्रचार गर्नुपर्ने बताएका छन् । इतिहासमैं प्रथम पटक जनप्रतिनिधि सम्मिलित संविधानसभाबाट विश्वमै एउटा दूर्लभ रेकर्ड बनाउँदै कूल ९० प्रतिशत सभासदको बहुमतले घोषणा गरिएको यो संविधानको मुल मर्म समृद्धी र विकास भएको बताए ।
कायक्र्रममा जिल्ला समन्वय समितिका प्रमुख केश बहादुर विष्टले नियम कानुन नबन्दा स्थानिय तहका काम अप्ठेरो परेको गुनासो गरेका छन् ।
उता जिल्लाको बागचौर नगरपालिकाले थारमारे बजार सहित १२ वटै वडाका मुख्यमुख्य बजारमा सरसफाइ कार्यक्रम सम्पन्न भएको जनाएको छ । बागचौर, टाट्के लगायत हरेक वडाका मुख्य बजारमा सरसफाइ गरिएको हो । कार्यक्रममा नगरप्रमुख लोकमान बुढाथोकी, उपप्रमुख कल्पना पुनले आफ्नो घरबाट निस्केको फोहोर वर्गीकरणको आधारमा व्यवस्थापन गर्न र घर आंगन सफा राख्न नगरवासिहरूलाइ अनुरोध गरेका थिए ।
कार्यक्रममा प्रमुख प्रशासकीय अधिकृत भीष्म कुमार मल्ल, वडा नं. ३ अध्यक्ष टिकाराम के. सी., वडा नं.२ अध्यक्ष घनश्याम शर्मा लगायत अन्य कर्मचारी, ईलाका प्रहरी कार्यालय, ईलाका प्रशासन कार्यालय तथा स्थानीय बासीहरूको सहभागिता रहेको थियो ।
बागचौर नगरपालिकाले फोहोर उठाउनको लागि टिपर व्यबस्था गरिसकेको र व्यवस्थापनको लागि ल्यान्डफिल साइड पनि निर्माण गरिसकेको छ ।
यसैविच संविधान दिवसको अवसरमा सल्यानको कपुरकोट गाउँपालिकाले हाजिरी जवाफ प्रतियोगिता सम्पन्न गरेको छ । गाउँपालिकाभित्र रहेका माध्यामिक विद्यालयहरूको विचमा भएको हाविरिजवाफ प्रतियोगीतामा नेपाल राष्ट्रिय माध्यामिक विद्यालय किमुचौर प्रथम भएको छ । यस्तै जीवनज्योती मावि रीमले द्धितीय र विरेन्द्र मावि गर्पाले तृतीय स्थान हासिल गर्न सफल भएको छ ।
प्रथम, द्धतीय र तृतीय हुने विद्यालयलाइ क्रमशः ३ हजार ५ सय, २ हजार ५ सय, १ हजार ५ सय र प्रमाणपत्र एवम् मायाको चिनो स्वरूप कपुरकोट डायरि प्रदान गरिएको थियो । यस्तै प्रतियोगितामा सहभागी कालिका मावि कपुरकोट र भवानी मावि छायाँनाथलाइ पनि प्रमाणपत्र र डायरि प्रदान गरिएको गाउँपालिकाका सूचना अधिकारि जीवराज केसीले जानकारी दिएका छन् । à