खोज

नवलपुरको देवचुली नगरपालिकालाई गण्डकी प्रदेशकै पहिलो बालमैत्री नगर घोषणा गरिने भएको छ ।यहि भदौ २९ गते परेको बाल दिवसको अवसर पारि नवलपरासी जिल्ला बर्दघाट सुस्ता पूर्व नवलपुरको देवचुली नगरपालिकालाई बालमैत्री नगर घोषणा गर्न लागिएको मंगलबार पत्रकार सम्मेलनमा जानकारी गराएको हो ।बालमैत्री स्थानीय शासन राष्ट्रिय रणनीति र कार्यन्वयन कार्यविधि २०६८ ले निर्दिष्ट गरेको ३९ वटा सुचकहरूका साथै थप ४ वटा स्थानीय सुचकहरू समेत निर्धारण गरी जम्मा ४३ वटै सुचकहरूमा घोषणा योग्यता हासील गरेको नगर प्रमुख एवम् बालमैत्री स्थानीय शासन नगर समितिका अध्यक्ष पुर्ण कुमार श्रेष्ठले जानकारी गराए ।
बाल बचाउ, बाल संरक्षण, बाल विकास र बाल सहभागिता अन्तर्गत निर्धारण गरिसकेको सुचकहरूको आधारमा अब नगरलाई बाल मैत्री नगर घोषणा तर्फ लागीएको नगर प्रमुख श्रेष्ठले बताए । यस अघि साविकको प्रगतिनगर गा.वि.स. अन्तरगतका ५ वटा वडाहरूले सम्पुर्ण सुचकहरू पार गरि २०७० साल पौष ९ गते नेपालै पहिलो बालमैत्री नगरपालका घोषणा गरेको थियो ।
२०७१ बैशाख २५ गते नेपाल सरकारको निर्णयबाट साविक प्रगतिनगर, देवचुली, दिव्यपुरी गा.वि.स.हरू समावेश गरी देवचुली नगरपालीका गठन हुँदा नेपालको पहिलो बालमैत्री गा.वि.स.को गौरवपूर्ण इतिहासको जगमा टेकेर देवचुली नगरपालीकालाई बालमैत्री नगर घोषणाको सम्पूर्ण तयारी गरी सकेको अवस्थामा २०७३ फागुन २७ गतेको नेपाल सरकारको निर्णयबाट साविक रजहर गा.वि.स. समेत देवचुली नगरपालीकामा समावेश भई कार्य क्षेत्र बिस्तार हुँदा पुनः घरधुरी सर्वेक्षणदेखि बालमैत्री सुचकहरू मापन गरी बाँकी कार्य पुरा गर्ने कार्यमा नगरपालीकाले ध्यान केन्द्रित गरेको समेत प्रमुख श्रेष्ठले जानकारी दिए ।
सोही अन्तरगत यही भदौँ २९ गते एक भव्य कार्यक्रमको आयोजना गरि नेपाल सरकारका परराष्ट्र मन्त्री प्रदिप कुमार ज्ञवालीद्धारा बालमैत्री नगर घोषणा गरिने देवचुली नगरपालीकाका मेयर श्रेष्ठले जानकारी दिए ।