खोज

मुस्लिम धर्मावलम्बिहरुले दोस्रो ठूलो पर्वको रुपमा रहेको इद उल अजाह (बकरईद) शुक्रबारबाट सकिएको छ । तिन दिन सम्म नमाज पढ्दै बकरईदको शुभकाना साटा–साट गरी हर्सोल्लासका साथ मनाउँदै सकिएको हो । बुटवल–४ बिकासपथमा रहेको मदिना मदरसा मस्जिद प्रबन्ध परिषदले पनि विशेष कार्यक्रम गरी यस बर्षको बकर ईदको विदाई गरेको छ । संस्थाका कोषाध्यक्ष सलाम बकस मियाले मुस्लिम धर्मावलम्बीहरुको उल्लेखनिय बसोबास रहेको सहरमा आपसी भाईचारा स्थापना गर्दै यस बर्षको ईदलाई विदाई गरिएको जानकारी दिए ।
ईदको अन्तिम दिन शुक्रबार मस्जिदमा नमाज पढिसकेपछि एक अर्कामा गला, हात मिलाउँदै आफूले गरेका कुनै गल्ती छन भने माफी समेत माग्ने प्रचलन रहेको छ । मानविय भावनाका साथमा एकआपसमा खुसी साटासाट गरीएको थियो । यसपटक बकरिदमा मदिना मदरसा मस्जिद समितिमा बिहानको ८ः३० बजेको समयमा नमाज पढिएको संस्थाका उपाध्यक्ष हाजि सकुर मियाँले जानकारी दिए ।
नमाज पछि खुसी आदानप्रदान गर्दै आफ्नो आफ्नो घरमा गै आफ्नो आर्थिक हैसियत अनुसार खसी, बोका, राँगो जस्ता जनावरहरुको (कुर्बानी) बलि दिइएको संस्थाका सदस्य कमाल द्दिन मियाँले जानकारी दिए ।
कुर्बानी दिइएको बस्तुको १ भाग गरिब, एक भाग जसको घरमा कुर्बानी गरिएको छैन त्यस्ता आफन्त नाता गोतालाई बाँड्ने परम्परा रहेको संस्थाका पुर्व अध्यक्ष हाजि मुनिर वक्स मियाँले जानकारी दिए ।
तीन दिन सम्म मुस्लिम समुदायले हर्सोल्लासका साथ चाड पर्व मनाएपनि नेपाल सरकारले सार्बजनिक बिदाको घोषणा नगर्दा र प्रादेशिक सरकारले सार्बजनिक बिदा दिदा पनि मुस्लिम धर्मावलम्बीहरु बाहेक अरु समुदाय संग खुलेर खुसी साटासाट गर्न नसकिएको मदिना मदरसाका सचिव जमिल खानले बताए ।
आपसी भाईचारा स्थापनाको लागि इद र बकरिदमा नेपाल सरकारबाट नै नेपालभर सार्बजनिक बिदाको समेत माग गरिएको परिषद्का संस्थाका संरक्षक हाजी जमाल मियाले जानकारी दिए ।