खोज

बुटवल- बुटवलको प्रादेशिक अस्पतालमा भेटिएकी सिर्जना कुमाल केहि दिनदेखि बारम्बार रिगटा लागेपछि अस्पताल आएकी हुन् । गर्मीसँगै आफुलाई स्वास्थ्यमा समस्या देखापरेपछि उनी उपचारका लागि आएको बताईन । यहाँ डाक्टरले ठुलो समस्या नरहेको बताए पनि आफुलाई सहज नभएको उनले सुनाइन । सैनामैनाकी कुमालले चिकित्सकले धेरै पानी, सागसब्जी, फलफुलमा जोड दिन सुझाव दिए । उनले डाक्टरको सल्लाह अनुसारका सुझावलाई पालनामा प्रयास गर्ने बताइन ।
देवदहकी रिता काप्mले पनि बच्चालाई ज्वरो आएका कारणले अस्पतालमा भेटिइन । उनले बिरामी बच्चाले खाना खान मन नगरेको र बेलाबेलामा ज्वरो आएका कारणले उपचारका लागि आएको बताईन । उनले डाक्टर समस्या गर्मीका कारणले सृजना भएको बताए ।

अब गर्मीबाट जोगिनुको विकल्प नरहेको उनको भनाई छ ।
कुमाल र काफ्ले मात्रै होइन गुल्मीका किरण खत्रीलाई पनि केहि दिनदेखि रुखाखोकीले सताईरहेको छ । उनले गर्मीमा यस्तो समस्या आफुलाई कहिल्यै नभए पनि यसपाली अत्यन्त असजिलो भएका कारणले अस्पताल आएको बताए । उनले भने, डाक्टरले सामान्य भन्दै गर्मीमा धेरै चिसो प्रयोगका कारण यस्तो समस्या भएको भन्दै केहि औषधी प्रयोग गर्ने सुझाव दिएको उनको भनाई छ । बुटवलको देविनगरकी शुशिला भट्टराईले विहानैबाट लाईनमा बस्दा पनि ५० जनापछि टिकट काटने पालो आएके बताई । त्यसपछि डाक्टरलाई देखाउन उस्तै लाईन, औषधी लिन त १२ बजे कागज बुझाएको ४ बजे बल्ल पालो आयो । उनी भन्छिन् यहाँ रगत पिसाव चेक गर्न नपरेको कारणले मात्रै दिनभरीमा काम सकिएको हो । रगत र पिसाव सहित अरु प्राविधिक चेकजाँज गर्ने हो भने छ । ३ दिन लाग्ने बताईन । दिनभरीको यो घाम फेरि अर्को रोग लाग्ला भन्ने डर छ यहाँ । यी त उदाहरण मात्र हुन । लुम्बिनी प्रादेशिक अस्पतालमा उपचारका लागि आउनेहरुको भिड बढेको छ ।
तिलोत्तमा नगरपालिकाका सिनियर अहेव रामप्रसाद ढकालले केहि दिनदेखि बढेको गर्मीका कारणले झाडापखला, ज्वरोका बिरामी बढेको बताए । उनले गर्मीमा चिसो प्रयोगका कारण कतिपय व्यक्ति घाटीमा समस्या पर्यो भन्दै चेकजाँचका लागि आउने गरेको समेत बताए । त्यसका साथै धुवाधुलोले पनि समस्या निम्त्याउने गर्ने गरेको बताए । उनले यो बेलामा सकेसम्म गर्मीबाट जोगिने खालका कपडाहरुको प्रयोग गर्नुपर्ने उनको सुझाव छ ।

मौसम परिर्वतनसँगै धेरै बिरामीहरुमा झाडापखालाको समस्या देखिएको लुम्बिनी प्रादेशिक अस्पतालका फिजिसियन डा. नन्दु पाठकको बताउँछन् । उनले अहिले अस्पातालमा धेरै बिरामीहरु तापक्रम बढी भएका कारण एक्कासी बिहोस हुने समस्या बिरामीमा देखा परेको छ । बिरामीमा लु लागे जस्तो भएर कमजोर महसुस गर्ने गरेका बिरामीहरु आएको बताए । उनले बिरामीहरुमा फुड पोईजनको पनि समस्या देखापर्ने भएकाले खानपानमा विशोष ख्याल गर्न जरुरी रहेको बताए । डा. पाठकले गर्मीबाट बच्न प्रशस्त रुपमा पानी पिउनुपर्नेमा जोड दिए । त्यसका साथै दौडधुपको काम नगर्ने, फलफुलका साथै झोलिलो प्रकारका खानेकुरामा जोड दिनुपर्ने उनको सुझाव छ ।
लुम्बिनी प्रादेशिक अस्पताल बुटवल मेडिकल सुपरिटेन्डेन्ट डा सुर्दर्शन थापाले गर्मी बढेसँगै अस्पतालमा देनिब १५ सय देखि २ हजार जना बिरामी दैनिक आउने गरेको बताए । गर्मी बढेसँगै सिर्जन अनुसारका बिरामीको चाप थेग्न अस्पतालाई हम्मेहम्मे परेको छ । उनले पुरानो भवन भन्दा धेरै सेवा सुविधा भए पनि प्रयाप्त नभएको भन्दै सबै बिरामीको अपेक्षा पुरा गर्न नसकेको स्वीकार गरे । उनले अहिले इमरजेन्सीमा ६० बेड, आइसियु ४० बेड जसमध्ये १० बेड शिशुका राखिएको जानकारी दिए । उनले पुरानो भवन भन्दा धेरै सुविधा थपे पनि अझै सेवा बिरामीका लागि सेवा अपुग रहेको बताए । उनले अहिलेको अवस्थामा आएका सबै बिरामीलाई सहज रुपमा बेड सहितको सुविधा दिन अस्पतालले नसकेको थापाले जानकारी दिए ।
गर्मी बढेसँगै बढेका बिरामीहरुका लागि अस्पताले थप केहि व्यवस्था गर्न सकेको छैन । बिरामीहरुलाई उपचार गर्न नसकेको अवस्थामा थप उपचारका लागि अरु अस्पतालमा रिर्फर गर्नुको बिकल्प नभएको बताए । उनले यहाँ आउने बिरामीले यहाँ आएर उपचार गरेर जाउन भन्ने भएपनि विभिन्न कारणले संभव हुन नसकेको भन्दै प्रदेश सरकारले पछिल्लो समयमा भुक्तानी नदिदा अस्पताल अझै मारमा परेको गुनासो गरे ।

लुम्बिनी प्रादेशिक अस्पताल सबैको गौरव भएकाले यसको सेवा सुविधा बढाउन सबै पक्षले ध्यान दिन जरुरी छ । लुम्बिनी प्रदेश भरिका बिरामी आउने यो अस्पतालमा सामान्य सेवा लिन पनि धेरै झन्झट हुने बाध्यता हटाउनु पर्छ । अस्पतालको नाम र प्रचार जस्तै सेवा र सुविधा बढाउन सबै निकाएको ध्यान जान जरुरी देखिन्छ ।