खोज

२०७२ साल वैशाखको भूकम्पले धरहरा चढ्न चाहने धेरै जनाको रहर पनि चुडाएको छ । वि सं. १८८२ मा तत्कालिन प्रधानमन्त्री भिमसेन थापाले निर्माण गरेको धरहरा चढ्ने धोकोलाई मनभित्र च्याप्दै भग्नावेशलाई टुलुटुलु हेर्न बाध्य छन उनीहरु । भग्नावेश धरहरा फेरी पहिलेकै अवस्थामा आउन कति वर्ष लाग्ने हो ? प्रतिक्षाको घडी लामो छ । तर काठमाडौंको धरहरा चढ्न रहर भएकालाई भने खुसीको खबर छ । काठमाडौको ९ तले धरहरा अब छिट्टै बुटवलमै चढ्न पाइने भएको छ । असोज १९ गतेदेखि शुरु हुन लागेको तेश्रो राष्ट्रिय औद्योगिक प्रदर्शनी तथा ब्यापार मेलामा धरहरा पाइने भएको हो ।
ऐतिहासिक ९ तले धरहराको प्रतिमाको रूपमा बुटवलमा निर्माण गर्न लागिएको धरहराको सनिवार शिलन्यास गरिएको छ ।
मुल आयोजक समितिका संयोजक तथा उद्योग व्यापार संघ बुटवलका अध्यक्ष प्रविण पाठक, संरक्षकद्वय खेम श्रीस, खिमनारायण पराजुली लगायतले संयुक्त रूपमा धरहराको सिलान्यास गरेका हुन । धरहराको उचाई झण्डै ९० फूट रहने छ । जहा“बाट बुटवल बजारको अवलोकन गर्न सकिने छ । ३० फूट गोलाई रहेको उक्त धरहरामा एकै पटक ५० जनाले धरहरा चढेर दृश्यावलोकन गर्न सकिने मुल आयोजक समितिका संयोजक पाठकले जानकारी दिए । उनले भने– यो धरहराले पर्यटन प्रवद्र्धनमा टेवा दिनेछ, धरहरा चढीसकेकालाई पुन स्मरण गराउन र नचढेकालाई धरहराको अनुभव दिलाउने छ ।’
काठमाडौंको धरहरा कै डिजाईन र कलरमा धरहरा बनाउन लागिएको कन्सेप्ट प्रस्ताव गरेको पुर्व अध्यक्ष एवं संरक्षक खिमनारायण पराजुलीले बताए । करिव २० लाख रूपैयाँ लगानीमा धरहरा निर्माण शुरु गरिएको छ । उनले भने– ‘यसलाई मेलाकै आकर्षणको रूपमा लिएका छौ । अस्थायी संरचनाको यो ठूलो लगानी हो ।’ धरहरा निर्माणको लागि २० जना कालिगढहरूले काम गरेका छन् । चौविसै घण्टा काम गर्दा १५ दिनमा धरहराको स्वरूप तयार हुनेछ । यो क्षेत्रमा चढ्न मिल्ने गरी बनाईएको धरहरा पहिलो हुने र तत्कालिन प्रधानमन्त्री भिमसेन थापाले बनाएको धरहराकै झल्को दिने आयोजकले बताएका छन । धरहरा बुटवल मण्डप भित्रको सचिवालय र मन्चको बीचमा रहने छ । रानीपोखरी आकारको प्रवेशद्वाराबाट प्रवेश गर्दा धरहराकै झल्को दिनेछ ।
मेला सफल बनाउन मन्त्रीको प्रतिवद्धता
प्रदेश नं. ५ का मन्त्रीहरूले बुटवलको प्रदर्शनी सफल बनाउन आफूले सक्दो सहयोग गर्ने प्रतिवद्धता जनाएका छन् । प्रदर्शनीले उद्योग पर्यटन प्रवद्र्धनमा टेवा पु¥याउने बताउँदै त्यसको लागि प्रत्यक्ष र अप्रत्यक्ष रूपमा भूमिका निर्वाह गर्ने मन्त्रीहरूले वचन दिएको संघका निवर्तमान अध्यक्ष तथा संरक्षक खेम श्रीसले जानकारी दिए ।
भेटघाट तथा छलफलको क्रममा आयोजकहरूले प्रदेश नं. ५ का मन्त्रीहरूलाई भेटघाट गरी तयारी र प्रदर्शनीको विषयमा जानकारी गराएका हुन । प्रदेश नं ५ का उद्योग पर्यटन, वन तथा वातावरण मन्त्री लिला गिरी, सामाजिक विकास मन्त्री सुदर्शन बराललाई भेटगरी प्रदर्शनीको विषयमा जानकारी गराइएको छ । त्यसैगरी आईतबार बुटवल उपमहानगरपालिकाका मेयर शिव सुवेदी र प्रदेश सभा सदस्य दधिराम न्यौपानेले प्रदर्शनी स्थलको अवलोकन गरी मेला सम्पन्न गराउन हरतरहबाट सहयोग पु¥याने विश्वास दिलाएका थिए । यसैबीच प्रदर्शनीको तयारी तिव्र पारिएको छ । सटल निर्माणको काम धमाधम अघि बढेको तथा भेटघाट तथा छलफललाई तिव्रता दिइएको प्रचार–प्रसार उप–समितिका संयोजक नेत्र रुचालले जानकारी दिए । उनका अनुसार स्टल बुकिङको कार्य अन्तिम चरणमा पुगेको छ । प्रदर्शनीका ४ सय भन्दा बढि स्टल रहने छ विभिन्न ८ वटा प्याभिलियनमा स्टल राखिने छ ।