खोज

 युद्धग्रस्त क्षेत्र भारतको कारगिलमा एक धाविकालाई माउन्ट एभरेष्ट म्याराथन सद्भाव पुरस्कार प्रदान गरिएकोछ । विश्वप्रसिद्ध तेन्जिंग हिलारी एभरेष्ट म्याराथनले कारगिलमा आयोजित ‘कारगिल अन्तर्राष्ट्रिय म्याराथन २०१८’ को हाफ म्याराथन तर्फ महिला स्पर्धाकी बिजेता कारगिलकै नाम्गेल यांग्मोलाई माउन्ट एभरेष्ट म्याराथन सद्भाव पुरस्कार’ प्रदान गरिएकोछ ।
तेन्जिंग हिलारी एभरेष्ट म्याराथनका परिकल्पनाकार बिक्रम पाडेकाजीले यांग्मोलाइ उक्त पुरस्कार प्रदान गरेका हुन् । सम्मानपत्रसंगै सगरमाथाको उचाई बराबर अर्थात ८ हजार ८ सय ४८ भारतीय रुपियाँ पुरस्कार पनि प्रदान गरिएको थियो । पुरस्कार बिजेता यांगबोले विश्वकै अग्लो हिमाल सगरमाथाको नाममा स्थापना गरिएको पुरस्कार पाउदा आफु हर्षित भएको बताइन् । ‘यस्तो पुरस्कारले हामी धावकहरूलाई हौसला प्रदान गर्दछ,’ उनले भनिन्, ‘अझ उत्साह र उमंग बढेकोछ ।’
पुरस्कार वितरण समारोहमा बोल्दै पा“डेकाजीले भने विश्वकै अग्लो सगरमाथालाई शान्ति र सद्भावका उद्गमभूमिका रूपमा प्रचार प्रसार गर्न आफुले ‘माउन्ट एभरेष्ट म्याराथन सद्भाव पुरस्कार’ प्रदान गर्न थालेको बताए । हामीले यो पुरस्कार सिक्किममा आयोजना गरिने कन्चनजंघा म्याराथनमा पनि प्रदान गर्छौं उनले भने बिस्तारै हिमाली र अन्य क्षेत्रमा आयोजना गरिने म्याराथनमा पनि यो पुरस्कार दिने योजना बनाएका छौं ।’ नेपाल र नेपालको पर्यटन प्रचार प्रसार गर्ने यो नौलो तरिका भएको पनि पाणेकाजीले बताए । यहि सेप्टेम्बर पहिलो साता भारतको जम्मु कश्मिर राज्यमा आयोजना गरिएको कारगिल अन्तर्राष्ट्रिय म्याराथनमा १ हजार ५ सय बढी धावकले प्रतिस्पर्धा गरेका थिए ।