© २०२३
७ मंसिर २०८१, शुक्रबार
७ मंसिर २०८१, शुक्रबार
बुटवल,१८ चैत । मिटरब्याज पीडितहरु र प्रधानमन्त्री प्रचण्डबीच बालुवाटारमा वार्ता भइरहेको छ ।
तराईका विभिन्न जिल्लाबाट पैदल यात्रा गरी काठमाडौंमा न्याय माग्न आएका उनीहरु शनिवार बिहानै आफ्ना माग पूरा गर्न नारा लगाउँदै बालुवाटार प्रवेश गरेका हुन् ।
उनीहरुले पीडितलाई न्याय दे, मिटरब्याजीलाई कारबाही गर् जस्ता नारा लगाएर बालुवाटार पुगेका थिए ।
मिटरब्याज पीडित र प्रधानमन्त्री पुष्पकमल दाहालबीचको छलफल अहिले बालुवाटारमा भइरहेको छ ।
पीडितहरुले प्रधानमन्त्री दाहाललाई आफनो समस्या सुनाउँदा भक्कानो छाडेर रोए । १७ दिनदेखि आन्दोलनमा रहेका मिटरव्याज पीडितहरुले आफनो घर जग्गा मिटरब्याजीको कब्जामा रहेको बताए ।
पीडितमध्ये एक महिलाले १० लाखको रुपैया ऋण लिदाँ २७ लाख तिरिसक्दा पनि अझै पैसा तिरिनसकेको भन्दै आफनो घर जग्गा कब्जा गरेको पीडा प्रधानमन्त्रीलाई सुनाइन् । उनले आफनो पीडा सुनाउँदा भक्कानिएर बोल्न समेत सकिन् ।
यसअघि पनि मिटरब्याज पीडितहरुले सरकारी टोलीसँग दुईपटक वार्ता गरिसकेका छन् । तर सहमति भएको छैन ।
© २०२३
सर्वाधिकार सुरक्षित
Design & Developed By:
