खोज

बुटबल, २१ बैशाख । बुटवल उपमहानगरपालिका ९ स्थित इटाभट्री लाईनमा सन्चालित अधिकांस टुर्स एण्ड ट्राभल्सका शााखा कार्यालयका नाममा विना दर्ता सन्चालन भएको पाईएको छ । बिहिबार जिल्ला प्रशासन कार्यालय रूपन्देहीका सहायक प्रमुख जिल्ला अधिकारी रामचन्द्र अर्याललको नेतृत्वमा पर्यटन डिभीजन कार्यालय भैरहवा, घरेलु तथा साना उद्योग कार्यालय भैरहवा, बुटवल उप–महानगरपालिका श्रम तथा रोजगार कार्यालय बुटवल, सहित प्रहरी प्रशासनको संयुक्त अनुगमनमा ट्राभल्स एजेन्टहरू अधिकांस विना दर्ता सञ्चालन भैरहेको पाइएको हो ।

अनुगमनका क्रममा बुटवलको इटाभट्टी लाईनमा नेपाल बाट भारतका बिभिन्न स्थान यात्रु पु¥याउने नाममा सन्चालित बस सेवाका ट्राभल्स एजेन्सीका कार्यालयहरू मनोमानी रूपमा इजाजत बिना खोलीएको पाईएको थियो । जसका कारण राज्यलाई समेत लाखौ रूपैयाँ राजश्व गुमेको जनाइएको छ ।

बुटवल बाहिर बिभीन्न जिल्लाहरूमा केन्दीय कार्यालय रहेको भन्दै शाखा कार्यालय सन्चालन गर्ने बारे नेपाल सरकार स्थानीय सरकार सम्बन्धित निकायहरूमा अनुमती नलिएकन सन्चालनमा रहेका ११ बटा टुर्स एण्ड ट्राभल्सहरूलाई जनही २० हजारका दरले कारवाही गरिएको हो । यसरी कारवाहीमा परेका ट्राभल्सका सन्चालकहरूलाई ३ दिन भित्र दर्ता अनुमती लिएरमात्र कार्यालय सन्चालन गर्न सुझाउँदै अनुगमन समितीका संयोजक रामचन्द्र अर्यालले आउने दिनमा बिना अनुमती सन्चालन गरेको पाईए कारवाही गरिने बताएका थिए ।

कारवाहीमा पर्नेहरूमा न्यु सुपा देउराली टुर्स एण्ड ट्राभल्स प्रा.ली, श्री सुभ साईत टुर्स एण्ड ट्राभल्स, अप्सन लुम्बिनी टुर्स एण्ड ट्राभल्स, जनसगरमाथा टुर्स एण्ड ट्राभल्स, नमस्ते बिहानी टुर्स एण्ड ट्राभल्स, न्यु सागर एण्ड सगरमाथा टुर्स एण्ड ट्राभल्स, सुपा देउराली टुर्स एण्ड ट्राभल्स प्राली, लुम्बिनी हिमालय टुर्स एण्ड ट्राभल्स, दुर्गैश्वरी ट्राभल्स प्रालि, खलंगा एण्ड सुपादेउराली टुर्स एण्ड ट्राभल्स, दर्शन लुम्बिनी यातायात प्राली, रुद्रावती टुर्स एण्ड ट्राभल्सलाई जनही २० हजारका दरले कारवाही गरीएको हो ।

ट्राभल्सहरूले सन्चालन अनुमती ल्याएर मात्र सन्चालन गर्नुपर्नेमा त्यस्तो नगरेकाले पहिलोचोटी जरीवाना गरिएको आउँदा दिनमा दर्ता बिना सन्चालन गरेको पाईए कार्यालय बन्द समेत गर्न सकिने अनुगमन समितिले जनाएको छ ।