खोज

दाङ, ३ पुस ।

प्रगतिशील लेखक संघ नेपाल दाङ शाखाको ३१ औं स्थापना दिवस मनाएको छ । स्थापना दिवसका अवसरमा ६ जना साहित्यकारलाइ पुरस्कार र एकजना अग्रज साहित्यकारलाई सम्मान गरिएको छ ।

वरिष्ठ साहित्यकार एवं पत्रकार नारायणप्रसाद शर्माले हरेक बृक्षको पात फरक हुन्छ भने झै मानिसका बिचमा पनि फरक मतभेद हुने बताए । बर्ग,साहित्य र समाज पनि फरक हुन्छ यसलाई मिलाएर अगाडि बढ्नुपर्ने बताए । कविले लेखेको कविता काँडा जस्तो हुनुपर्ने र आवस्यक परेको स्थानमा घोच्न सक्ने समाज परिवर्तन गर्ने कविता लेख्नुपर्ने बतए ।

साहित्यकार एव पूर्व मन्त्री सुश्मा शर्मा घिमिरेले समाजलाई समाहित गर्न लाग्नुपर्ने बताइन् । साहित्यकारहरु एकै थलोमा बसेर छलफल गरेर मन्थन गर्नुपर्ने र खवरदारी गर्नेबेला आएको उनले बताइन् ।

प्रलेसका केन्द्रीय सल्लाहकार पद्मप्रसाद शर्माले साहित्यकारलाई सधै सकृय भएर लेखनीमा लाग्न आग्रह गरे । साहित्यकारको उपस्थिति, रचना र पुस्तकबाट मात्र साहित्यकार सकृय हुने भएकाले लेखनीलाई निरन्तरता दिन आग्रह गरे । दाङ शाखा अध्यक्ष भुबन देबकोटाको अध्यक्षतामा कार्यक्रम भएको थियोे ।

६ जना साहित्यकार पुरस्कृत

प्रलेसद्वारा स्थापित प्रगतिशील साहित्य पुरस्कार साहित्यकार क्षितिज मगरलाई प्रदान गएिको छ । श्याम चिसद्वारा स्थापित गोविन्द चिस सर्जक पुरस्कार साहित्यकार देवकुमारी खत्री, पद्मप्रसाद शर्मा–शान्ता देवी शर्माद्वारा स्थापित अनन्त–टीका प्रतिभा पुरस्कार साहित्यकार रामप्रसाद जैसी र नारदमणि पोख्रेलद्वारा स्थापित चिन्तामणि–जमुना साहित्य पुरस्कार डा खेमराज मल्ल तथा कृष्ण– गायत्रा स्मृति प्रतिष्ठानद्वारा स्थापित कृष्ण–गायत्रा साहित्य पुरस्कार प्राध्यापक डा गोपालप्रसाद शर्मा अधिकारीलाई प्रदान गरिएको हो । लिला , फना, बसन्ता स्रष्टा सम्मान पुरस्कार साहित्यकार केशव थापालाई प्रदान गरिएको छ । अग्रज साहित्यकार तथा बामपन्थी चिन्तक देवी पोख्रेललाई सम्मान गरिएको छ ।