खोज

भैरहवा। होटल तथा रेस्टुरेन्ट व्यवसायी संगठन रुपन्देहीको १२औँ साधारणसभा तथा ७औँ अधिवेशनबाट निर्वाचित नयाँ कार्यसमितिको पदस्थापन कार्यक्रम सम्पन्न भएको छ। कार्यक्रमबाट राजेश महोत्रा अध्यक्षमा निर्वाचित भएका छन ।

नवनिर्वाचित कार्यसमितिमा वरिष्ठ उपाध्यक्षमा लिलाधर भट्टराई, प्रथम उपाध्यक्षमा नरेन्द्र खनाल, द्वितीय उपाध्यक्षमा कल्पना भट्टराई (न्यौपाने), उपाध्यक्षमा गुनाखर खनाल चयन भएका छन । यसैगरी महासचिवमा बालबहादुर घिमिरे (सुनिल), सचिवमा अर्जुन प्रसाद गौतम, कोषाध्यक्षमा दल बहादुर गुरुङ र सह–कोषाध्यक्षमा पदम राज पन्थ निर्वाचित भएका छन ।

कार्यसमितिका सदस्यहरूमा शुभराज गौतम, रोमाकान्त भट्टराई, सुमन न्यौपाने, हरि प्रसाद ज्ञवाली, दामोदर पन्थी र सुधिर राव तथा  मनोनित सदस्यमा कमल प्रसाद आचार्य र सन्त बहादुर खत्री चयन भएका छन ।

पदस्थापन कार्यक्रममा प्रमुख अतिथि सिद्धार्थनगर नगरपालिकाकी उप–प्रमुख उमा अधिकारीले नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गरिन । उनले भैरहवामा अन्तर्राष्ट्रिय विमानस्थल सञ्चालनमा आइसकेको, पर्यटकीय क्षेत्रको विकास र शहर सुरक्षित भएकाले रात्रीकालीन बजार सञ्चालनमा जोड दिन आवश्यक रहेको बताइन । यसले पर्यटन प्रवर्द्धनसँगै स्थानीय अर्थतन्त्रलाई पनि टेवा पुर्‍याउने उनको भनाइ थियो।

कार्यक्रममा विशिष्ट अतिथिका रूपमा जिल्ला प्रहरी कार्यालय रुपन्देहीका प्रमुख प्रदीप बहादुर क्षेत्रीले सुरक्षा निकाय व्यवसायीहरूसँग सहकार्य गर्दै सुरक्षित र व्यवस्थित व्यवसायिक वातावरण निर्माणमा प्रतिबद्ध रहेको बताए ।

निर्वाचन समिति सदस्यहरू अनिल ज्ञवाली र गणेश प्रसाद बेलवासेले निर्वाचन प्रक्रिया सफलतापूर्वक सम्पन्न भएको जानकारी गराए । कार्यक्रममा निवर्तमान अध्यक्ष राम प्रसाद पोखरेलले आफ्नो कार्यकालमा साथ सहयोग गर्ने सबैलाई धन्यवाद दिँदै नयाँ नेतृत्वलाई सफल कार्यकालको शुभकामना व्यक्त गरे ।