खोज

बर्दघाट, ३ जेठ ।

बर्दघाट खानेपानी तथा सरसफाइ उपभोक्ता सँस्थाको आयोजनामा १ दिने अभिमुखीकरण एवम् सचेतना कार्यक्रम सम्पन्न भएको छ । आयोजना क्षेत्र भित्रका आमा समुह लक्षित खानेपानी सुरक्षा योजना सम्बन्धि अभिमुखीकरण एवम् सचेतना कार्यक्रम सम्पन्न भएको हो । कार्यक्रममा शिवशक्ति आमा समुह र डाँडाटोल विकास समितिका करिव ३० जनाको सहभागिता रहेको थियो । मुहान देखी मुखसम्म शुद्ध पिउने पानी कसरी पुर्याउने र पानीलाइ किटाणु जिवाणु रहित बनाउन आवश्यक विधिहरुको बारेमा कार्यक्रममा प्रकाश पारिएको थियो ।

कार्यक्रममा सँस्थाका निवर्तमान अध्यक्ष एबम् वर्तमान सल्लाहकार धातानन्द बश्यालले सस्थाले बितरण गरेको पानी यस क्षेत्रमै गुणस्तरिय र बिस्वसनिय रहेको बताउदै सँस्थाद्वारा वितरित पानी घरमा सँग्रह गर्दा र प्रयोग गर्दा समेत गुणस्तर कायम राख्न गृहिणीहरुको प्रमुख भूमिका रहने बताएका थिए ।

कार्यक्रमलाइ सम्बोधन गर्दै सस्थाका अध्यक्ष दिपक लम्सालले खानेपानीसंग बिशेषगरि महिला प्रत्यक्ष जोडिएका कारण पनि यस सस्थाले आफ्ना क्षेत्राधिकार भित्रका महिलाहरुलाई पानीको महत्व र सुरक्षा सम्बन्धी सचेतनाको आवस्यकता महसुस गरिएको बताए । उनले पानीजन्य रोगबाट बँच्न वितरित पानीको गुणस्तर कायम राख्नुपर्नेमा जोड समेत दिएका थिए ।

सँस्थाका उपाध्यक्ष कमल थापाले नेपाल सरकारले तय गरेको मापदण्ड अनुसारको नियमित प्रयोगशाला परिक्षण पछि मात्र वितरण गरिएको पानी उपभोग गर्ने आफ्ना घरमा पानी राख्ने भाडाहरु सफा राख्न सबैलाई आग्रह गरे । संस्थाले २४ सै घण्टा उपभोक्ताहरुलाइ पानी वितरण गरिरहेको र निरन्तर पानी संचालन गर्दा चुनौतीहरु समेत आउदा समुदायबाट निरन्तर सहयोग भईरहेको र आगामी दिनमा पनि सहयोगको अपेक्षा रहेको संस्थाका सचिव शोभाकान्त कोईरालाले बताए ।

कार्यक्रममा सस्थाका ब्यवस्थापक बिष्णु भुषालले सस्थाको बिगत र बर्तमानको चित्रण गर्दै बिगतमा सस्थाले भोग्नु परेको समस्याहरु संग जुद्धै अहिलेको अवस्थामा आइपुगेको जानकारी गराउदै खानेपानीको सहि सदुपयोग गर्न सबैलाइ आग्रह गरेका थिए । कार्यक्रममा शिवशक्ति आमा समुहकी अध्यक्ष कमला भण्डारीले समय समयमा आयोजना हुने यस्ता सचेतनामुलक कर्यक्रमले शुद्ध पानी उपभोग र सरसफाईमा सहयोग पुग्ने बताइन् । सो कार्यक्रममा उपस्थित सहभागीहरुले सस्थाका क्षेत्राधिकार भित्र ढल ब्यवस्थापन, सार्वजनिक स्थलमा सार्वजनिक शौचालय, सार्वजनिक स्थलमा थप निशुल्क पानीको ब्यवस्था गर्न सुझाव दिएका थिए ।