खोज

बुटवल, ३१ बैशाख ।
योङ कम्युनिष्ट लिग (वाईसिएल) नेपालको तेस्रो रुपन्देही जिल्ला सम्मेलन सम्पन्न भएको छ। सम्मेलनबाट गोबिन्द खरेलको अध्यक्षतामा ५३ सदस्यीय नयाँ कार्यसमिति चयन भएका छन। जसको उपाध्यक्षमा दिलीप प्रजापति, कृष्ण ढुंगाना , सचिवमा सन्दिप यादव, सह-सचिवमा अल्ताफ खाँन, मनिष जिसी, बलिराम सहानी, जीवन शर्मा, ओमप्रकाश गुप्ता, कोषाध्यक्ष: राजेन्द्र गौंड रहेका छन।

नवनिर्वाचित अध्यक्ष खरेलले वाईसिएल रुपन्देहीलाई युवा नेतृत्व विकास, संगठन विस्तार र सामाजिक रूपान्तरणका एजेन्डालाई प्राथमिकता दिदैँ अझ व्यवस्थित, सक्रिय र युवाहरूको आशाको केन्द्र बनाउने प्रतिबद्धता जनाए।
सम्मेलनमा विभिन्न नेताहरूले वाईसिएलको ऐतिहासिक भूमिकालाई स्मरण गर्दै वर्तमान परिस्थितिमा पनि संगठनलाई सशक्त, क्रियाशील र युवामैत्री बनाउने प्रतिबद्धता जनाएका छन्।

कार्यक्रमको नेकपा माओवादी केन्द्रका केन्द्रिय सदस्य तथा रुपन्देही इन्चार्ज सोनिया यादवले उद्घाटन गर्दै वाईसिएलको गौरवशाली इतिहास भएको बताईन। उनले युवाहरुलाई पार्टीको मेरुदण्डको रुपमा भूमिका निर्वाह गर्न आग्रह गरिन्।
कार्यक्रममा माओवादी केन्द्र रुपन्देहीका संयोजक निर्मल जिसीले विगतमा त्याग र योगदानको स्मरण गर्दै अहिलेको पुस्ताले संगठनलाई नविन ढंगले अगाडि बढाउनुपर्ने बताए। अहिलेको आवश्यकता संगठनात्मक एकता र वैचारिक स्पष्टता भएको उनले बताए।

वाईसिएल नेपालका केन्द्रिय सचिव माधव बस्नेतले देशको परिवर्तनमा युवाको भूमिका महत्वपूर्ण रहँदै आएको दाबी गरे ।
वाईसिएल रुपन्देहीका अध्यक्ष केशव कुँवरले युवाहरूका हक, अधिकार र अवसर सुनिश्चित गर्दै संगठनलाई वैचारिक रूपले अगाडि बढाउनुपर्नेमा जोड दिए।