खोज

गुल्मी, २५ बैशाख ।
गुल्मीको सत्यवती गाउँपालिका यतिबेला एचआईभी सङ्क्रमितहरूको लागि आर्थिक सहायता प्रदान गरिएको छ । आर्थिक अभावका कारण उपचारका लागि सदरमुकाम तम्घास, पाल्पा र बुटवलमा रहेका एआरटी केन्द्रसम्म औषधि लिन जानुपर्ने २५ जना एचआईभी सङ्क्रमित लागि उक्त सहयोग प्रदान गरिएको हो । एचआईभी सङ्क्रमितहरूको पारिवारिक अबस्था अत्यन्तै कमजोर, न्यून आम्दानी एवं आर्थिक अभावका कारण एआरटी केन्द्रसम्म पुग्न नसक्दा कतिपयले औषधि लिन तथा स्वास्थ्य जाँच गराउन नसकेर बिचैमा छोड्नु पर्ने अबस्था थियो । उक्त समस्या समाधान गर्न गाउँपालिकाले उनीहरूको जीवन शैलीमा परिवर्तन ल्याउनका साथै पोषण स्थीतिमा सुधार ल्याउन वार्षिक रूपमा यातायात खर्च वापत लाग्ने रकम सहयोग गर्दै आएको गाउँपालिका अध्यक्ष टिकाराम पाण्डेले बताए ।

जिल्लामा लामो समयदेखि एचआईभी सङ्क्रमितहरूको क्षेत्रमा काम गर्दै आएको हाम्रो जीवन प्लसद्वारा सङ्कलित तथ्याङ्क र व्यक्तिले दिएको निवेदनको आधारमा यातायात खर्चको रकम सम्बन्धित व्यक्तिको वैंक खातामा पठाईदिने व्यवस्था गरिएको अध्यक्ष पाण्डेले जानकारी दिए । गाउँपालिकाले यस वर्ष २५ जना एचआईभी सङ्क्रमितहरूका लागि उक्त रकम उपलब्ध गराईसकेको पालिकाका स्वास्थ्य शाखा प्रमुख हिमलाल भण्डारीले बताएका छन । एचआईभी सङ्क्रमितहरू हरेक तीनतीन महिनामा स्वास्थ्य जाँच र औषधिका लागि अनिवार्य रूपमा एआरटी केन्द्रसम्म पुग्नुपर्ने हुन्छ ।

सत्यवती गाउँपालिकामा हाल ३६ जना एचआईभी सङ्क्रमित रहेपनि हाल २५ जनाले मात्र उक्त सहयोग लिएको पालिकाले जनाएको छ । कतिपय एचआईभी सङ्क्रमितहरू समाजमा खुल्न नचाहेका कारण सम्पर्कमा आउन नचाहेको स्वास्थ्य शाखा प्रमुख भण्डारीले बताए ।हाम्रो जीवन प्लसले एचआईभी सङ्क्रमितका लागि जिल्लामा घर समुदायमा आधारित हेरचाह कार्यक्रम सञ्चालन गरेको छ । सो कार्यक्रम अन्तरगत सेवाग्राहीको घरसम्म पुग्ने, उनीहरूले नियमित औषधि खाए नखाएको हेर्ने, परामर्श दिने, प्रेषण गर्ने (रिफर), लगायतका काम गर्दै आएको छ । त्यसका अतिरिक्त संस्थाले जन्मेदेखि १८ वर्षसम्मका एचआईभी सङ्क्रमित वालवालीकाहरूका लागि उनीहरूको शिक्षा र स्वास्थ्यमा राहत पुगोस भन्ने उद्देश्यले मासिक दुइ हजार रूपैयाँ सहयोग उपलब्ध गराउँदै आएको छ ।
घर समुदायमा आधारित कार्यक्रम अनुसार हाल २७ जना सङ्क्रमित वालवालीकाहरूलाई उक्त सुबिधा प्रदान गरिएको हाम्रो जीवन प्लसकी अध्यक्ष जुना ज्ञवाली जानकारी दिएकी छन् । उनले जिल्लामा सञ्चालनमा आईरहेको