© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं ।
गत चैत महिनामा नेपालमा कुल ४ हजार ९ सय १५ वटा मुद्दा दर्ता भएका छन्, जुन तथ्याङ्क नेपाल प्रहरीले सार्वजनिक गरेको हो। यसै समयमा, काठमाडौं उपत्यकामा १ हजार २ सय ६९ वटा मुद्दा दर्ता भएका छन्, जुन सबैभन्दा बढी हो।
प्रदेशगत रुपमा हेर्दा, मधेशमा ८ सय ८९, कर्णालीमा १ सय ६२, कोशीमा ७ सय ७२, बाग्मतीमा ४ सय ८५, गण्डकीमा ३ सय ६७, लुम्बिनीमा ६ सय २२ र सुदूरपश्चिममा ३ सय ४९ वटा मुद्दा दर्ता भएका छन्।
चैत महिनामा सबैभन्दा बढी मुद्दा बैंकिङ कसूरसँग सम्बन्धित छन्, जसको संख्या १ हजार ९५ छ, जुन कुल मुद्दाको २२ दशमलव २८ प्रतिशत हो। यसका अतिरिक्त, सार्वजनिक हित, स्वास्थ्य, सुरक्षा, सुविधा र नैतिकताविरुद्ध ६ सय ८१ मुद्दा, आत्महत्यासम्बन्धी ६ सय ३६ मुद्दा, लागूऔषधसँग सम्बन्धित ४ सय ७४ मुद्दा, चोरीका २ सय ९७ मुद्दा, ठगीका १ सय ८३ मुद्दा, सवारी ज्यानका १ सय ४९ मुद्दा, ज्यान मार्ने उद्योगका १ सय १ मुद्दा र कर्तव्य ज्यानका ३९ मुद्दा दर्ता भएका छन्।
नेपाल प्रहरीले दिएको जानकारी अनुसार, चैत महिनामा मुद्दा दर्ताको दर फागुन महिनाको तुलनामा १० प्रतिशतले वृद्धि भएको छ। फागुन महिनामा ४ हजार ४ सय ६८ वटा मुद्दा दर्ता भएका थिए।
© २०२३
सर्वाधिकार सुरक्षित
Design & Developed By:
