© २०२३
२३ मंसिर २०८२, मंगलवार
२३ मंसिर २०८२, मंगलवार
काठमाडौं, १४ वैशाख ।
ललितपुरको बाँडेगाउँस्थित एक सुधार गृहमा राखिएका व्यक्तिको मृत्यु भएपछि प्रहरीले अनुसन्धान सुरु गरेको छ। सिन्धुपाल्चोकका ४८ वर्षीय दावा घिसिङको शनिबार राति अस्पताल लैजाँदै गर्दा मृत्यु भएको हो।
घटनापछि परिवारजनले मृत्यु शंकास्पद भएको भन्दै प्रहरीलाई खबर गरेका थिए। त्यसपछि अनुसन्धानका लागि प्रहरीको टोली घटनास्थलमा खटिएको थियो। अनुसन्धानको सिलसिलामा मोटरसाइकलमा घिसिङलाई अस्पताल लैजाने दुई जना र सुधार गृहका एक सञ्चालकलाई नियन्त्रणमा लिइएको प्रहरीले जनाएको छ।
जिल्ला प्रहरी परिसर ललितपुरका प्रमुख एसएसपी श्यामकृष्ण अधिकारीका अनुसार, “अहिले त्रिवि शिक्षण अस्पतालमा पोष्टमार्टम भइरहेको छ। रिपोर्टपछि मात्रै मृत्युको कारणबारे ठोस कुरा भन्न सकिन्छ।”
प्रहरीले हाल तीन जनासँग सोधपुछ गरिरहेको छ भने घटनाको सम्पूर्ण विवरण संकलन गर्ने काम जारी रहेको जनाएको छ।
© २०२३
सर्वाधिकार सुरक्षित
Design & Developed By:
