खोज

बुटवल, १३ बैशाख। ब्यवस्थापन विषयमा उत्कृष्ट नतिजा निकाल्न सफल एम्स कलेज बुटवलमा बीबीएस प्रथम वर्षका विद्यार्थीलाई स्वागत र बीबीएस चौथो वर्षका विद्यार्थीको विदाई कार्यक्रम सम्पन्न भएको छ।

कार्यक्रमको उद्घाटन गर्दै कलेज व्यवस्थापन समितिका अध्यक्ष मनहरी बस्यालले शैक्षिकसंगै ब्यवहारिक ज्ञान सिकाईमा विद्यार्थीहरुको ध्यान जानुपर्ने बताए। उन्नतिको लागि प्रतिस्पर्धात्मक क्षमता विकासमा विशेष ध्यान दिनुपर्ने उनले सुझाव दिए।

कलेजका प्रमुख दीपक ढकालले संस्कृतिका रुपमा विकास भएको कार्यक्रमलाई थप रचनात्मक बनाउनुपर्ने बताए। विद्यार्थीहरूमा आपसी सहयोग, सहकार्य, सम्मान र समन्वयको भावना अभिवृद्धि गर्न यस्ता कार्यक्रम आयोजना गरिदै आएक‍ो उनले बताए।

कार्यक्रममा स्कलर्स होम बोर्डिङ स्कुलका सह-प्राचार्य टिकाराम गौतम, प्लस टु संयोजक चेत नारायण पन्थी र प्रमुख प्रशासनिक अधिकृत राजु भण्डारीले विद्यार्थीहरूको सफलताको शुभ कामना दिए।

कार्यक्रममा विद्यार्थीहरूले सांस्कृतिक तथा सिर्जनात्मक प्रस्तुतीहरू प्रस्तुत गरेका थिए। यसैबिच त्रिभुवन विश्वविद्यालयको परीक्षामा उत्कृष्ट नतिजा ल्याउने विद्यार्थीहरूलाई सम्मान, विदाई हुने विद्यार्थीहरूलाई मायाको चिनो प्रदान गर्दै सम्मान गरिएको बिबिएस तेश्रो बर्षकी पुष्पा न्यौपानेले बताईन।

औपचारिक तथा अनौपचारिक सत्रमा विभाजित कार्यक्रमको सञ्चालन बीबीएस तेस्रो वर्षका विद्यार्थी सुस्मिता खत्री र करण खड्काले गरेका थिए।