© २०२३
२८ मंसिर २०८२, आइतबार
२८ मंसिर २०८२, आइतबार
सुनवल, ०९ बैशाख ।
नेकपा एमाले पश्चिम नवलपरासीले कम्युनिष्ट पार्टी स्थापना दिवसको अवसरमा आज पार्टीलाई योगदान पुर्याएका अग्रज कम्युनिष्टहरुलाई सम्मान गरेको छ ।
पार्टी कार्या लय परासीमा नेपालमा कम्युनिष्ट पार्टी स्थापनाको ७६ औँ वर्ष पुगेको अवसरमा ५१ जना अग्रजहरुलाई सम्मान गरिएको अध्यक्ष दिपेन्द्र कुमार अधिकारीले बताए । विगतको कठिन परिस्थितीमा समेत पार्टीको विकास तथा लोकतान्त्रीक गणतन्त्र प्राप्तीका लागी योगदान पुर्याएकाहरुलाई सम्मान गरिएको एमालेले जनाएको छ ।
सो क्रममा एमाले केन्द्रिय सदस्य बिमला अर्यालले पार्टीले गरेका काम जनस्तर सम्म पुर्याउनुपर्नेमा जोड दिईन् । एमाले केन्द्रिय स्कुल विभागका सदस्य बद्रि खनालले नेपालमा कम्युनिष्ट पार्टीको स्थापना र हालसम्मको विकास क्रमका बारेमा प्रकाश पारे ।
नेपालका विक्रम संवत २००६ सालमा कम्युनिष्ट पार्टी स्थापना भएको थियो । पुष्पलाल श्रेष्ठको नेतृत्वमा निरञ्जन गोविन्द वैद्य, नरबहादुर कर्माचार्य, नारायण विलास जोशी र मोतीदेवी श्रेष्ठ संस्थापक रहेर भारतको कोलकाताको श्यामबजारमा नेकपाको स्थापना गरिएको थियो ।
© २०२३
सर्वाधिकार सुरक्षित
Design & Developed By:
