पाल्पा ३ बैशाख । नेपाल ऐकिकरणको समयमा प्रयोग भएका पदमार्र्ग, गढी, दरवार, किल्ला, बाटो, चौताराहरु लाई अवलोकन गर्दै नेपाली सेनाको गोरखा जितगढी पदयात्रा टोली पाल्पा पुगेको छ । चैत्र २८ गते गोरखा दरवार बाट शुरु भएको पदयात्रा टोली बैशाख ७ गते बुटवल जितगढीमा पुगी विजय उत्सवमा सहभागी हुनेछ ।
नेपाली सेनाको गोरखा जितगढी पदयात्रा टोलीलाई केलादी घाट रामपुरमा दि फेमस महिन्द्रलत गण, रामपुर नगरपालिका, जिल्ला स्थित सुरक्षा निकाय, जनप्रतिनिधी तथा स्थानीयवासीले पञ्चेवाजाले स्वागत गरेका छन । टोलीे ५ दिनको पैदलयात्रा गरी गोरखा तनहु र स्याङ्जा हुदै पाल्पा आएको हो । टोलीले ६ दिन पाल्पाको विभिन्न गढी किल्ला, पदमार्गमा यात्रा गर्ने छ ।
नेपाल एकिकरणको समयमा प्रयोग भएको पदमार्ग ,युद्धमा प्रयोग भएका गढी, दरवार, युद्धस्थल, चौताराहरुको अध्ययन अवलोक गर्दै ११ दिने गोरखा जितगढी पदयात्रा शुरु गरिएको हो । टोली यही बैशाख ७ गते बुटवल जितगढीमा पुगी विजय उत्सवमा सहभागी हुनेछ । वि.सं १८७१ ÷ १८७२ मा भएको नेपाल अग्रेज युद्धमा नेपाल विजयी भएको थियो । एकिकरण मार्ग लगायत ऐतिहासिक धरोहरको जर्गेना तथा भावी पुस्तामा हस्तानतरण गर्न गोरखा जितगढी ऐकिकरण पदयात्रा गरिएको नेपाली सेना २२ नं बाहिनी बुटवलका बाहिनीपती सहायक रथी पुरुर्षाेत्तम खड्काले बताए ।
गोरखा जितगढी एकिकरण पदयात्रा टोलीले चैत्र २८ गते बैशाख ७ गते सम्म गोरखा, तनहु, स्याङ्जा पाल्पा र रुपन्देही जिल्लाको ३०५ किलोमिटर यात्रा गर्ने छ । पदयात्राले जनमानसमा राष्ट्रिय एकताको भावना जगाउन एकिकरण तथा नेपाल अग्रेज युद्ध मार्गमा रहेका सेना संग सम्वन्धित विषयबस्तुको दस्तावेजीकरण गर्न सहयोग मिल्ने छ । यो अभियानबाट ऐतिहासिक पर्यटकीय पदमार्गको विकास गर्न सघाउ पुग्ने पदयात्रा संयोजक सेनानी जित बहादुर कार्कीले बताए ।
पदयात्राको क्रममा भेटिएका युद्धसंग सम्वन्धित बस्तुहरुको उजागर, संरक्षण, प्रचार प्रसारको लागी नेपाल सरकारले स्थानीय सरकार संग सहकार्य गरी बजेट नै विनियोजन गरेर काम गर्नुपर्ने रामपुर नगरपालिकाका नगर प्रमुख रमण बहादुर थापाले बताए ।
पदयात्राा टोली लाई रामपुर नगरपालिका, निस्दी गाउँपालिका, पुर्वखोला गाउँपालिका, रम्भा गाउँपालिका, माथागढी गाउँपालिका, तानसेन नगरपालिका र तिनाउ गाउपालिकाले सहयोग र समन्वय गरेका छन ।
२७ मंसिर २०८२, शनिबार
