खोज

बुटवल, २५ चैत ।
बुटवलको सिद्धार्थ गौतमबुद्ध क्याम्पसका नवनियुक्ति क्याम्पस प्रमुख गोपाल चापागाईले पदभार ग्रहण गरेका छन । नवनियुक्त क्याम्पस प्रमुख चापागाईले सोमबार एक समारोहका बिच क्याम्पस प्रमुखको जिम्मेवारी ग्रहण हुन । निवर्तमान क्याम्पस प्रमुख कृष्णप्रसाद शर्माको राजीनामा पछि हालै बसेको क्याम्पस व्यवस्थापन समितिको बैठकले चापागाईलाई क्याम्पस प्रमुखमा नियुक्त गरेको थियो ।

क्याम्पस प्रमुखको जिम्मेवारी ग्रहण गर्दै नवनियुक्त क्याम्पस प्रमुख चापागाईले क्याम्पसको विकास, विस्तार र शैक्षिक गुणस्तर बृद्धि आवश्यक रहेको बताए । आफू मन, बचन र कर्मबाट क्याम्पसको श्रीवृद्धिमा लाग्ने प्रतिवद्धता व्यक्त गरे । क्याम्पसलाई थप उत्कृष्ट बनाउने गरि तयार गरेको योजनामा सबैबाट सहयोगको अपेक्षा रहेको बताए ।

कार्यक्रममा बुटवल उपमहानगरपालिकाका नगरप्रमुख खेलराज पाण्डेयले गरिव तथा विपन्न विद्यार्थीलाई गुणस्तरीय शिक्षा दिनका लागि सिद्धार्थ गौतमबुद्ध क्याम्पसको स्थापना गरिएको बताउँदै गुणस्तरीय शिक्षाका लागि प्रतिवद्ध हुन क्याम्पस प्रशासनलाई आग्रह गरे ।

कार्यक्रममा क्याम्पस व्यवस्थापन समितिका अध्यक्ष निर्मलप्रसाद लाकौल, निमित्त क्याम्पस प्रमुख कृष्णप्रसाद खनाल, पूर्व क्याम्पस प्रमुख विष्णुप्रसाद राना, प्रजातन्त्रवादी प्राध्यापक संघ क्याम्पस इकाई समितिका सभापति तारा ज्ञवाली, नेपाल प्रतितिशिल प्राध्यापक संगठनका इकाई अध्यक्ष तथा केन्द्रीय सदस्य भूपाल शर्मा लगायतले शुभकामना व्यक्त गर्दै आफूहरुको पूर्ण साथ र सहयोग रहने बताए ।