© २०२३
सन्धिखर्क, १९ चैत ।
अर्घाखाँचीको नुवाकोट पानडाँडामा भएको आगलागीमा ४ घरगोठ जलेर नष्ट भएका छन् । भूमिकास्थान नगरपालिका, वडा नम्बर ७, नुवाकोट पानडाँडामा भएको आगलागीमा परि १ घर र ३ गोठ जलेर नष्ट भएको वडा अध्यक्ष रामचन्द्र ढुङ्गानाले बताए । आगलागीमा परि गोठमा रहेका १ भैसी, १ पाडो, ९ बाख्रा र ५९ कुखुरा जलेर नष्ट भएको ढुङ्गानाले बताए ।
भूमिकास्थान नगरपालिका–७, नुवाकोटको पानडाँडा सामुदायिक बनमा लागेको आगो बस्तीसम्मै पुगेपछी उक्त क्षती भएको हो । आगलागीमा लोक बहादुर थापाको तीन तले कच्ची घर र गोठ जलेर पुर्ण रूपमा क्षति भएको छ । थापाका २६ वटा कुखुरा पनि जलेका छन् । यस्तै सोही ठाँउका रेल बहादुर थापाको गोठ जलेर नष्टभएको छ भने गोठमा रहेको भैंसी, पाडो, ६ ओटा बाख्रा र १७ ओटा कुखुरा जलेर नष्ट भएका छन् । आगलागीमा तिलक रायमाझीको गोठ र ट्वाईलेट जलेको छ । रायमाझीका ३ वटा बाख्रा र १६ ओटा कुखुरा जलेका छन् ।
घटनामा मानवीय क्षती नभएपनी केही पशु चौपायाको क्षती भएको प्रहरीले जनाएको छ । सोमवार दिउँसो २ः३० बजे लागेको आगो जिल्ला प्रहरी कार्यालय सन्धिखर्क, प्रहरी चौकी खिल्जी र स्थानीयको सक्रियतामा नियन्त्रणमा लिएको छ । जङ्गलमा लागेको आगो भने नियन्त्रण नआएको प्रहरीले बताएको छ । बनमा लागेको आगो नियन्त्रणमा नआएपनि बस्ती जोखिममा नरहेको प्रहरीको भनाइ रहेको छ ।