खोज

नवलपरासी,पश्चिम।

सहकारी सस्थाहरुले आफ्नो पुँजी उत्पादनशिलता र आयआर्जनमा नजोड्दा अहिले सहकारीहरु समस्याग्रस्त बनेको राष्ट्रिय कृषि सहकारी संघका अध्यक्ष खेमबहादुर पाठकले बताए । सहकारीहरुले उत्पादन आयआर्जन र रोजगारीमुलक कार्यमा लगानी गर्न नसक्दा अधिकांस सहकारी र लघुवित्तहरु डुब्ने अवस्थामा पुगेको पाठकले बताए ।

जिल्ला कृषि सहकारी संघ नवलपरासीले आयोजना गरेको आम प्रशिक्षण कार्यक्रममा बोल्दै अध्यक्ष पाठकले सहकारीहरुमा व्यक्तिबादी हैकम बढ्नु र प्रयोजन अनुरुपका क्षेत्रमा लगानी नहुनाले सहकारीहरु समस्याग्रस्त बन्न पुगेको उल्लेख गरे ।अहिले सहकारीहरुमा परिवारबाद छ,व्उक्तिगत हस्तक्षेप छ,क्षणिक रुपमा फाईदा भएपनी दीर्घकालीन रुपमा त्यो सहकारी चल्दैन —पाठकले भने ।

ूशेयर सदस्यहरूले पनि जुन शिर्षकमा पैसा लगेको हो सोही प्रयोजनमा खर्च नगर्दा ॠण लगानी डुब्ने धितो लिलाम हुने अवस्था सम्म पुग्ने गरेको छ,भैंसी पाल्न लगेको पैसाले छोराछोरीको बिहे गरेको छ अनि कसरी हुन्छ? अध्यक्ष पाठकको भनाई छ ।

केही सहकारी सस्थाहरुले साधारणसभा र अडिटसम्म समयमा नगर्ने हुँदा पारदर्शीतामा समेत प्रश्न खडा भएको उनको भनाई छ ।सहकारी सस्थामा आबद्ध शेयर सदस्यहरू मालिक हुन सञ्चालक समीति होईनन् भन्ने कुरा आम सदस्यहरूलाई बुझाउन सक्नु पर्नेमा अध्यक्ष पाठकको जोड रहेको थियो ।

साना किसान कृषि सहकारी सस्थाका संचालक समितिका पदाधिकारी,लेखा सुपरिवेक्षण समिति र कर्मचारीहरुका निम्ति प्रशिक्षण कार्यक्रम राखिएको जिल्ला कृषि सहकारी संघका अध्यक्ष देविप्रसाद अधिकारीले जानकारी दिए ।कार्यक्रममा सहकारी क्षेत्रका सरोकारवाला एवम् सेयर सदस्यहरूको उल्लेख्य सहभागिता रहेको थियो ।