खोज

नेपालगन्ज, १२ चैत ।
बाँकेको नरैनापुर–४ मा आगलागी हुँदा १७ वटा घर जलेर नष्ट भएका छन् । स्थानीय बासिन्दा जुमै खाँको घरबाट सुरु भएको आगो गाउँमा फैलिएको थियो । मंगलबार दिउँसो करिव २ः३० देखि सुरु भएको आगलागी बेलुकासम्म नियन्त्रणमा आईसकेकको नरैनापुर–४ का वडाअध्यक्ष मनोजकुमार शर्माले जानकारी दिए । आगलागीबाट स्थानीय नन्कु खाँ, राजु खाँ, जुमई खा, सिपाइलाल यादव, लोलीराम यादव, राम मनोहर यादव, मोती अहिर, रामकिशोर यादव, हेमराज यादव, स्वर्गिय लल्लन यादव, राम गोपाल यादव, रामप्रधार यादव, रामसुमिनर यादव, प्रवेश यादव, खेमराज यादव, पवन कुमार यादव र राधेश्याम यादवको घर जलेर नष्ट भएको हो ।

घरभित्र राखिएको अन्नपात, भाडा बर्तन, लुगा लत्ता जलेर नष्ट भएको प्रहरीले जनाएको छ । प्रहरीका अनुसार आगलागीबाट झन्डै ५० देखि ६० लाख रुपैयाँ बराबरको क्षति भएको छ । नरैनापुर गाउँपालिकाको दमकल बिग्रिएकाले नेपालगन्ज र कोहलपुरबाट दमकल पठाइएको हो । आगलागीको कारणबारे प्रहरीले अनुसन्धान सुरु गरेपनि बालबालिकाले आगो खेलाएर भएको हुनसक्ने अनुमान गरिएको वडाअध्यक्ष शर्माले बताए । आगलागि पीडितलाई बुधबार वडाकार्यालय र गाउँपालिकाले राहत सामाग्री वितरण गर्ने उनले जनकारी दिए ।