खोज

कपिलवस्तु, ११ चैत ।
राष्ट्रिय प्रजातन्त्र पार्टी कपिलवस्तुको आयोजनामा कपिलवस्तुमा राजसंस्था सहितको सापेक्ष हिन्दु अधिराज्य पुर्नस्थापनाका लागि बृहत मोटरसाईकल ¥यालीको आयोजना गरिएको छ । तौलिहवाको भिक्षुचौकबाट शुरु भएको मोटरसाईकल ¥याली आन्दोलनचोक, डँगरी हुँदै नेपाल भारत सिमाको मर्यादपुर सिमा क्षेत्र सम्म पुगको थियो । सो पश्चात पुनः तौलिहवा, पकडी, लबनी हुँदै रूपन्देहीको सिमाना कोठी नदी पुगेको ¥याली पुनः जिल्ला प्रशासन चोकमा आएर कोणसभामा परिणत भएको थियो । र्यालीमा सहभागीले गणतन्त्र र सरकारको बिरोध गर्दै राजसंस्था सहितको सापेक्ष हिन्दु अधिराज्य पुनस्र्थापनाको माग गर्दै नाराबाजी गरे । उनीहरूले प्रधानमन्त्रीको अभिव्यक्ति र कार्यशैली बिरुद्ध कडा नाराबाजी समेत गरें । सयौंको संख्यामा राप्रपाका नेता कार्यकर्ता र नागरिकहरू मोटरसाईकल ¥यालीमा सहभागी भएका थिए ।
आम नागरिक राजा र राजतन्त्रको पक्षमा उभिएको सन्देश बृहत मोटरसाईकल ¥यालीको सहभागीताले दिएको बृहत मोटरसाईकल ¥याली आयोजन समितिका संयोजक तथा राप्रपा कपिलवस्तुका जिल्ला उपाध्यक्ष शत्रुधन बिलास सिंह कुर्मीले बताए । र्यालीमा नागरिकको सहभागीताले राजतन्त्रको अपरिहार्यता पुष्टी गरेको उनले बताए । राजाले फागुन ७ गते दिएको अभिव्यक्तिको स्वागतमा तथा सरकारी पक्षले राजालाई दिईरहेको चुनौतीको बिरोधमा ¥याली सहितका दवावका कार्यक्रम गर्न थालिएको राप्रपा कपिलवस्तुका जिल्ला अध्यक्ष नारायण बहादुर सिंहले बताए । उनले दलले राजालाई चुनौती दिने कार्यको बिरोधमा आन्दोलनको कार्यक्रमलाई प्राथमिकताका साथ अगाडी बढाईने प्रष्ट पारे ।
राजा सहितको हिन्दु राज्य सगै प्रत्यक्ष निर्वाचित कार्यकारी प्रधानमन्त्रीको अवधारणालाई दवाव सिर्जना गर्न आन्दोलनको शुरुवात गरिएको राप्रपाका केन्द्रिय सदस्य ध्रुब रायमाझीले बताए । उनले राजा सहितको राज्य व्यवस्थाको लागी छिट्टै समझदारी गर्न दलहरूलाई आग्रह गर्दै दलहरूका लागि नविनतम समझदारी नै उत्तम बिकल्प हुने उनको भनाई थियो । मोटरसाईकलमा राप्रपा प्रदेश कोषाध्यक्ष कृष्ण पौडेल, लुम्बिनी प्रदेश सम्पादन समिति सदस्य दिपक रजौरिया, राप्रपा जिल्ला प्रवक्ता भुमीराम गिरी लगायतका नेताहरूको सहभागीता रहेको थियो ।