© २०२३
१३ चैत्र २०८१, बुधबार
१३ चैत्र २०८१, बुधबार
जनकपुरधाम ।
प्रतिपक्षी दल नेकपा माओवादी केन्द्र र जसपा नेपालका सांसदहरूले मधेस प्रदेशसभामा ठूलो विरोध जनाएका छन् र बैठक अवरुद्ध पारेका छन्। सभामुख रामचन्द्र मण्डलले बैठक सुरु गरेपछि माओवादी संसदीय दलका नेता भरत प्रासद साहले बैठक चल्न नदिने बताउँदै मुख्यमन्त्रीसँग विभिन्न आरोपका बारेमा जवाफ मागेका छन्। उनले मुख्यमन्त्रीको विदेश भ्रमण, पालिकाहरूलाई सशर्त बजेट दिने, संघका कर्मचारीसँग मोटो रकम लिएर जिम्मेवारी दिने जस्ता आरोप उठाए।
साहले भने, “मुख्यमन्त्रीले कुटनीति मर्यादाको ख्याल नगरेको विषयमा जवाफ दिनुपर्छ। अन्य आरोपको सन्दर्भमा संसदीय छानबिन समिति बनाउनुपर्छ। होइन् भने सदन चल्न दिदैनौं।”उनका यो भनाइ पछि माओवादी र जसपा नेपालका अन्य सांसदहरू उठेर संसद अवरुद्ध पारे। जसपा नेपालका संसदीय दलका नेता तथा पूर्व मुख्यमन्त्री सरोज कुमार यादवले जिल्लास्थित कार्यालयहरूको योजनाहरू मन्त्रीको सचिवालयबाट वितरण गरिनुमा आपत्ति जनाए। उनले डेढ करोड र ५ करोडको योजनाहरूका बारेमा पनि संसदीय छानविन समिति बनाउनुपर्ने माग राखे।विरोधपछि सभामुख मण्डलले बैठक १० मिनेटका लागि स्थगित गरेका छन्।
© २०२३
सर्वाधिकार सुरक्षित
Design & Developed By:
