जनकपुरधाम।
धनुषाको मुसर्निया गाउँपालिका-६ स्थित भन्सार छलीको सामान नियन्त्रणमा लिन जाँदा प्रहरीले हवाई फायर गरेको छ। स्थानीय भजु यादवको घरबाट तस्करीका सामान समात्न पुगेका प्रहरीमाथि आक्रमणको प्रयास भएको थियो।
प्रहरीले आत्मरक्षाको लागि एक राउन्ड हवाई फायर गरेको बताउँदै, धनुषाका प्रहरी प्रमुख एसपी भुवनेश्वर तिवारीले घटनाको जानकारी दिएका छन्। हवाई फायरपछि तस्करहरू घटनास्थलबाट फरार भए र प्रहरीले १४ बोरा भन्सार छलीका सामान बरामद गर्न सफल भएको छ।
