© २०२३
८ चैत्र २०८१, शुक्रबार
८ चैत्र २०८१, शुक्रबार
काठमाडौं, ६ चैत ।
नेपाली कांग्रेसका प्रमुख सचेतक श्याम कुमार घिमिरेले संसदको विशेष समयमा यौन व्यवसाय खुला गर्नुपर्ने भनाइ राखेपछि आलोचनाको शिकार भएका थिए। ३ चैतको प्रतिनिधि सभामा बोल्दै उनले, देशको आर्थिक समृद्धिका लागि यौन व्यवसायलाई कानूनी बनाउनुपर्ने विचार व्यक्त गरेका थिए।
घिमिरेका अनुसार, यौन व्यवसायले विदेशी पर्यटक आकर्षित गर्न सक्छ र यसबाट रोजगारीका अवसरहरू सिर्जना हुनेछन्। उनले भनेका थिए, “धार्मिक पर्यटकले देशको अर्थतन्त्रमा खासै योगदान पुर्याउँदैन, तर यौन पर्यटनले अधिक फाइदा पुर्याउँछ।”
तर, उक्त अभिव्यक्ति पछि संसदमा र बाहिर निकै आलोचना भयो। ५ चैतमा भएको कांग्रेसको बैठकमा, पार्टीका नेताहरु र सांसदहरुले घिमिरेलाई माफी माग्न सुझाएका थिए। त्यसको परिणामस्वरूप, बुधबारको संसद बैठकको शुरुमै घिमिरेले आफ्नो भनाइलाई व्यक्तिगत धारणा भन्दै माफी मागे। उनले भने, “यी विचारहरु नेपाली कांग्रेसको आधिकारिक धारणा होइन र यसले यदि अरुलाई नराम्रो प्रभाव पारेको हो भने, म क्षमायाचना गर्छु।”
© २०२३
सर्वाधिकार सुरक्षित
Design & Developed By:
