© २०२३
५ चैत्र २०८१, मंगलवार
५ चैत्र २०८१, मंगलवार
काठमाडौँ, ५ चैत ।
काठमाडौँ विश्वविद्यालयका नवनियुक्त उपकुलपति प्राडा अच्युतप्रसाद वाग्लेले आज प्रधानमन्त्री एवं कुलपति केपी शर्मा ओलीसमक्ष पद तथा गोपनीयताको शपथ लिएका छन्। शपथग्रहण समारोह प्रधानमन्त्री कार्यालय, सिंहदरबारमा आयोजित गरिएको थियो।
उपकुलपति नियुक्तिको प्रक्रिया अन्तर्गत कुलपति ओलीले विश्वविद्यालयको रिक्त उपकुलपति पदका लागि गठन गरिएको खोज तथा सिफारिस समितिको सिफारिसमा डा. वाग्लेलाई नियुक्त गरेका हुन्।शपथ ग्रहण कार्यक्रममा शिक्षा, विज्ञान तथा प्रविधिमन्त्री विद्या भट्टराई, नेपाल सरकारका मुख्यसचिव एकनारायण अर्याल, र शिक्षा मन्त्रालयका सचिव दीपक काफ्ले लगायतका प्रमुख अधिकारीहरू पनि उपस्थित थिए।
समारोहमा बोल्दै, प्रधानमन्त्री ओलीले उपकुलपति नियुक्तिमा भएको ढिलाइको सन्दर्भलाई ध्यानमा राख्दै भविष्यमा विश्वविद्यालयका सबै पक्षलाई मिलेर साझा उद्देश्यका लागि काम गर्न आग्रह गरेका थिए।नवनियुक्त उपकुलपति डा. वाग्ले यसअघि काठमाडौँ विश्वविद्यालयका कार्यवाहक उपकुलपति र रजिस्ट्रारका रुपमा कार्यरत थिए।
© २०२३
सर्वाधिकार सुरक्षित
Design & Developed By:
