खोज

बुटवल, चैत ।
बुटवल उप–महानरपालिका वडानम्बर १० मा रहेको कालिका मानवज्ञान माविका कानून संकायमा अध्ययनरत विद्यार्थीले ‘कालिका संसद’ को अभ्यास गरेका छन् । शनिवार कानुन विद्यार्थी समाज कालिकाको आयोजनामा नमुना संसद अभ्यास गरिएको हो ।

समाजका अध्यक्ष सन्जोग न्यौपानेको अध्यक्षतामा भएको कार्यक्रममा शिक्षा विकास तथा संमन्वय एकाई रुपन्देहीका प्रमुख माधव बन्जाडेको प्रमुख आतिथ्यता, विद्यालय व्यवस्थापन समितिका अध्यक्ष नित्यानन्द ज्ञवाली, विद्यालयका प्रधानाध्यापक दिनेश थापा, विद्यालयका शैशिक्षक सल्लाहकार तथा पुर्व प्रधानाध्यापक तथा बुटवल कालिका क्याम्पसका क्याम्प प्रमुख घनश्याम पाठक, बुटवल कालिका क्याम्पसका अध्यक्ष तथा कालिका मानवज्ञान माविका पुर्व विद्यालय व्यवस्थापन समिति अध्यक्ष होम ज्ञवालीको विशिष्ठ आतिथ्ययता रहेको थियो । कार्यक्रममा विद्यालयका सह प्रध्यानाध्यापक पिताम्बर बन्जाडे, व्यवस्थापन ईन्चार्ज शेरचन्द गिरी कानून तथा माविकी संकाय ईन्चार्ज विमल आत्रेय सहित का कानुन शिक्षक युवराज कन्डेलको समेत आतिथ्यता सरेको थियो ।

विद्यालयका शिक्षक अधिवक्ता दामोदर घिमिरेको संयोजकत्वमा भएको कार्यक्रममा विद्यार्थीहरुले नमुना अभ्यास अन्र्तगतग प्रधानमन्त्रीको चयन, संसादमा विधेयक दर्ता देखि लिएर पारि गर्ने देखि लिएर संसदको सुन्य र विशेष समयमा समसामयिक विषयमा आ आफ्नो धाराण राखेका थिए ।
कार्यक्रममा बोल्दै शिक्षा विकास तथा संमन्वय एकाई रुपन्देहीका प्रमुख माधव बन्जाडेले पछिल्लो समयमा कानून विषय सबैको लागि अनिवार्य आवश्यकता जस्तै भएको बताएका थिए । उनले कानून व्यवहारिक विषय समेत भएकोले विद्यार्थीहरुले गरेको नमुना अभ्यास आफैमा गौरवपूर्ण भएको बताए । विद्यालयका प्रधानाध्यापक दिनेश थापाले बोल्दै व्यवहारिक अभ्यास संगै कालिका मानवज्ञान मावि अगाडी बढिरहेको बताउँदै सबै को साझा प्रयासबाट विद्यालयको नतिजा सुधार देखि लिएर सबै क्षेत्रमा कायपलट गर्न सकिने धाराणा राखेका थिए ।

विद्यालयका पूर्व प्रधानाध्यापक तथा बुटवल कालिका क्याम्पसका क्याम्पस प्रमुख घनश्याम पाठकले विद्यार्थीहरुको अभ्यास कला विकासको लागि यी र यस्ता प्रकृतिका कार्यक्रम आवश्यक रहेको बताएका थिए । उनले कानून विषय आफैमा व्यवहारिक रहेको भन्दै यसको महत्व पछिल्लोसमयमा अझ बढ्दै गएको बताएका थिए । कार्यक्रममा राष्ट्रपतिको भुमिका दिया आचार्य, सभामुखको भूमिका काजल पाण्डे, प्रधानन्त्रीको भूमिका विवस पाण्डे, प्रदेश सभा सचिवको भुमिका सदिक्षा भटटराई, उप सचिव विन्दु पौडेलले निर्वाह गरेका थिए ।
विद्यार्थीहरुले शुन्य समयमा विविध समस्याको विषयमा सरकारको ध्यानाकर्षण गराएका थिए । भने विशेष समयमा समेत समसमायीक विषयमा आ आफ्नो धाराणा प्रस्तुत गरेका थिए ।