खोज

बुटवल, १ चैत । तराई क्षेत्रमा फागु पूर्णिमाको भोलिपल्ट मनाइने होली शुक्रबार बिहानैदेखि रमाइलो माहोलमा सुरु भएको छ । आपसी प्रेम, सद्भाव र भाइचाराको प्रतीक मानिने होली पर्व विशेष गरी हिन्दू समुदायले उल्लासका साथ मनाउने परम्परा रहँदै आएको छ ।

रुपन्देहीमा नेपाल पत्रकार महासंघ रुपन्देही शाखा, रोटरी क्लब अफ बुटवल डाउनटाउन, मणिमुकुन्द सेन उद्यान संरक्षण समिति, रुपन्देही ब्यापार संघ लगायत ब्यवसायिक तथा सामाजिक संघसंस्थाहरुका पदाधिकारी, सदस्यहरु एकआपसमा रंग लगाई शुभकामना साटासाट र मिठो खानपिन गरि होली मनाएका छन । रोटरी क्लब अफ बुटवल डाउनटाउनले शुक्रबार १०१८ औ नियमित बैठक तथा होलीमिलन कार्यक्रम क्लब सचिवालयमा गरेको हो ।

शुक्रबार रोटरी डाउनटाउनको विभिन्न भातृ क्लबहरुका बिचमा शुभकामना आदानप्रदान गरि मनाएको क्लबका अध्यक्ष शिव ज्ञवालीले बताए ।
कार्यक्रममा ईन्नरह्वील क्लब अफ जितगढी, रोटयाक्ट क्लब अफ बुटवल डाउनटाउन, सिनर्जीका पदाधिकारीहरु, क्लबका पुर्वअध्यक्ष भिमराज श्रेष्ठ, नर बहादुर श्रीष, जिवन अधिकारी, पिताम्बर ज्ञवाली, भरत राना, निवर्तमान अध्यक्ष कमला हमाल, क्लबका पुर्व अध्यक्ष मान बहादुर बिश्वकर्मा, क्लबका पुर्व सचिव प्रकाश पौडेल, प्रेमा केसी, महेश खनालले नेतृत्व विकास र सामाजिक कार्यमा अग्रसर गराउन संघसंस्थाहरुको महत्वबारे प्रकाश पारे ।

देशका प्रमुख सहरहरू काठमाडौं, पोखरा, चितवन, बुटवल, विराटनगर, जनकपुर, नेपालगञ्ज लगायतका स्थानमा विशेष सास्कृतिक कार्यक्रम समेत भैरहेको छ । यता बुटवलको पुरानो बसपार्कमा राधाकृष्ण युवा क्लबको आयोजनामा हरेक वर्ष जस्तै यो वर्ष पनि विशेष सास्कृतिक कार्यक्रम आयोजना गरिदै छ ।

प्रहरीले शान्ति सुरक्षालाई ध्यानमा राख्दै विशेष निगरानी बढाएको छ । सार्वजनिक स्थानमा जबरजस्ती रंग लगाउने, अभद्र व्यवहार गर्नेहरूलाई कारबाही गरिने प्रशासनले जनाएको छ ।