खोज

बर्दघाट, २९ फागुन ।

बर्दघाट खानेपानी तथा सरसफाई उपभोक्ता सँस्थाले स्वचालित खानेपानी सँचालन प्रणाली (अटोमेशन) जडान गरेको छ । बर्दघाट खानेपानी तथा सरसफाई उपभोक्ता सँस्था र दियालो टेक्नोलोजिज प्रा.लि. को प्रविधिमा खानेपानी उत्पादन, वितरण, भोल्टेज नियन्त्रण र ओभरहेड टँकीमा भण्डारणमा सहजता ल्याउने उद्देश्यले स्वचालित खानेपानी सँचालन प्रणाली जडान गरिएको सँस्थाका अध्यक्ष दिपक लम्सालले जानकारी दिए ।

इन्टरनेट र डाटावेश प्रणालीमा आधारित उपकरणहरुले आवश्यकता अनुसार आफै पानी तान्ने मोटर सँचालन गर्ने, भण्डारण गर्ने र वितरणमा सहजता पु¥याउने र गुणस्तर समेत कायम गर्ने यस प्रणालीले खानेपानी वितरणमा थप सहज र ब्यवस्थित हुने सँस्थाका उपाध्यक्ष एवम खानेपानी सुरक्षा योजना टोलीका सँयोजक कमल थापाले जानकारी दिए ।

पछिल्लो समय हरेक क्षेत्र प्रविधिमैत्री बनिरहँदा खानेपानी सँचालन प्रणालीलाई पनि प्रविधिमैत्री बनाउँदै पानी सँचालनलाई नियमित र ब्यवस्थित बनाउँदै दिगो ब्यवस्थापनमा स्वचालित खानेपानी सँचालन प्रणाली ले सहयोग पु¥याउने सँस्थाका सचिव शोभाकान्त कोइरालाले बताए ।

प्रणाली जडान गर्नुअघि पानी तान्ने मोटर सँचालन, र भण्डारणमा जनशक्ति प्रयोग गरि पम्प हाउसबाटै सँचालन गर्नुपर्ने बाध्यताको अन्त्य भएको र इन्टरनेट भएको कुनै पनि स्थानबाट मोवाइलकै सहायतामा पानी सँचालन गर्न सकिने सँस्थाका ब्यवस्थापक विष्णु कुमार भुसालले बताए ।

यसअघि विद्युत अवरुद्ध हुँदा मोटर बन्द हुने र सँचालन गर्न अपरेटर स्वंय उपस्थित हुनुपर्ने बाध्यतालाई विद्युत अनियमित हुँदा समेत पानी सँचालनमा कुनै पनि समस्या उत्पन्न नहुने भुसालको भनाइ छ ।

स्वचालित प्रणाली जडान गरिसकेपछि तथ्याँक केलाउँदै आवश्यकताको आधारमा पानी तान्ने पम्प कति समय देखी निरन्तर सँचालनमा छ ? विद्युत कति खपत भइरहेको छ? रियल टाइम स्टाटस लगायतका तथ्याँक विश्लेषण गर्न सकिने दियालो टेक्नोलोजिककी आइ ओ टी सपोर्टर सिर्जना बोगटीले जानकारी दिइन ।

सँस्थाले यसअघि प्रत्येक उपभोक्तालाई सँस्थाको बारेमा हरेक कुराको जानकारी, उपभोक्ता स्वंयको ब्यक्तिगत खाता समेत हेर्न मिल्ने र महशुल समेत भुक्तान गर्न मिल्ने आफ्नै मोवाइल एप्स समेत सँचालनमा ल्याएको छ ।