खोज

बुटवल, २९ फागुन ।
रुपन्देहीका निमार्ण ब्यवसायीहरुले रंग र एकताको पर्व होली मनाएका छन । लुम्बिनी निर्माण ब्यवसायी संघको आयोजनामा कार्यालय परिसरमा विहिबार एकआपसमा रंग लगाई शुभकामना आदानप्रदान गरि होली मिलन कार्यक्रम गरेको हो ।

कार्यक्रममा लुम्बिनी निर्माण ब्यवसायी संघका प्रथम उपाध्यक्ष रमेश वेल्वासेले नेपाली परम्परा र संस्कृतिहरुको जर्गेना जरुरी रहेको भन्दै संस्थागत रुपमा विगतबाट नै चाडपर्वहरुमा रचनात्मक काम गरि मनाउदै आएको बताए । नया पुस्तामा अब संस्कृति संरक्षणको जिम्मेवारी आईपरेको भन्दै उनले पर्वको महत्व र समयसुहाउदो गरि मनाउनुपर्नेमा जोड दिए ।

कार्यक्रममा संघका सल्लाहकार जविन कक्षपतिले असत्यमाथि सत्यको विजयको प्रतिकका रुपमा होली पर्व मनाउने गरिएको भन्दै होली सबै वर्ग, जात, धर्मका मानिसहरूलाई एउटै भावनामा बाँध्ने रुपमा सामाजिक महत्व रहेको बताए ।

कार्यक्रममा कोषाध्यक्ष यज्नय प्रसाद वेल्वासले आपसी प्रेम, सद्भाव र भाइचाराको प्रतीक मानिने होली पर्वको धार्मिक, सास्कृतिक महत्व र वर्तमान अवस्थाबारे प्रकाश पारे ।

कार्यक्रममा संघका सचिव राजन ज्ञवालीले होली केवल रंगको मात्र होइन, प्रेम, भाइचारा, असत्यमाथि सत्यको विजय र नवीकरणको पर्व भएको हुदा यसले पुराना दुश्मनी भुल्न, सम्बन्ध सुधार्न र खुसी बाँड्न प्रेरित गर्ने बताए ।