खोज

बुटवल,१५ असोज ।
स्थापनाको छोटो अवधिमा टुना टेक्नोलोजीले सफटवेयर उत्पादनमा फड्को मारेको छ । कृषि र पर्यटनलाई आधुनिक प्रविधिहरूसँग जोड्ने र आर्थिक फाइदा दिने लक्ष्यका साथ सफटवेयर उत्पादन गर्दै आएको टुना टेक्नोलोजी ३ वर्षको अवधिमा उत्कृष्ट सफटवेयर उत्पादनको रूपमा पहिचान बनाउन सफल भएको हो । सोमबार पत्रकार सम्मेलन गरि संस्थाका अध्यक्ष गणेशचन्द्र पोखरेलले मोफसलबाट कृषि र पर्यटनबाट प्रविधिलाई जोडेर आर्थिक समृद्धिको नारासहित सफटवेयर उत्पादनको अभियान थालेको बताए ।

५० जना शेयरधनीबाट ५ करोड चालु पँजीमा शुरु भएको उनले बताए । विज्ञ र युवा ईन्जिनियरहरूबाट नेपालको वातावरण सुहाउदो कृषि, पर्यटन व्यवस्थापन सफटवेयर उत्पादन र ई–कमर्स प्लेटफर्म दिने काम गर्दै आएको उनले बताए । आईटि क्षेत्रमा अध्ययन गरेका युवाहरू जो विदेश जानुपर्ने छ त्यसलाई रोक्ने गरि यो एउटा बिकल्पका रूपमा खोलिएको भन्दै उनले छोटो समयमा २ वटा सम्मान पाएउदा गर्व महशुस भएको दाबी गरे । ‘कम्पनीले अब अन्तर्राष्ट्रिय स्तरमा पहिचान बनाउदै गएको छ ।’— उनले भने । भर्खरमात्र नास आईटि अवार्ड र स्टार्ट अप प्रोभिन्सियल अवार्ड प्राप्त गरेको तथा ब्रुनाईमा हुन गईरहेको एशिया प्यासिफिक आईसिटि एलायन्स अन्तराष्ट्रिय अवार्डमा नेपालबाट छनौट हुन सफल भएको उनले बताए ।
कार्यक्रममा टुनाका प्रमुख कार्यकारी अधिकृत राजिव गौतमले स्थापनाकालदेखि २ वर्ष सफटवेयर उत्पादन गरेको र एक वर्षदेखि डेढ करोड रूपैया प्रडक्ट बिक्री गर्न सफल भएको बताए । विशेष गरि ठुलो खर्च गरेर ईन्जिनियरहरू राखेर तयार गरेको सम्पतिको रूपमा भ्यालु एड नहुनु चुनौती रहेको उनले बताए । दुई दर्जन बढी आईटि शिक्षालय भएपनि काम गर्ने वातावरण नभएको हुदा युवा विदेशीने बाध्यतालाई रोक्न प्राक्टिकल बेसमा अघि बढाउने गरि एकेडेमीको योजना बनाएको उनले बताए । सरकारबाट सफ्टवेयर निर्माणको लागि आव्हान गर्दा धेरै किसिमको प्रावधानहरू राखिने हुदा समस्या हुने उनले बताए । सरकारबाट सुनुवाई नहुने, जनप्रतिनिधि र कर्मचारीबिच ब्यक्तिगत ईन्टेरेस्ट र कारणका बुझाउन नसकिएको उनले दुखेसो गरे । ब्यक्तिगत सफटवेयरहरू बजारमा आएपनि त्यो भोलिको लागि पर्याप्त नहुने उनले दाबी गरे । चाडपर्वको अवसरमा ३० प्रतिशत सम्म छुटमा सफटवेयर उपलब्ध हुने बताए ।

कार्यक्रममा टुनाका संचालक धुब्र न्यौपानेले मोफसलमा रहेर आईटिको क्षेत्रमा महत्वपूर्ण काम गर्दै आएको बताए । पैचो र पौवा जस्ता यस क्षेत्रमा ग्रामिण उत्पादनलाई शहरसंग जोड्ने अभियानमा प्रविधिबाट जोडेर पारदर्शी र सहज ब्यवस्थापनको नमुना दिन सफल भएको बताए । पैचोमा नै टुना जोडेपछि पारदर्शी भएका उपलब्धीबारे उदाहरया पेश गरे । चिफ अफ अपरेटर सर्वजित मिश्राले जेनेरेल सेक्युरिटिका सबै मापदण्ड पुरा गर्ने हुदा धेरै विश्वासिलो भएको दाबी गरे । नेपालमा नै डाटा रहने हुदा सुरक्षा र गोपनियता दुबैमा भरपर्दो रहेको छ । हाल टुनामा ४० जना कर्मचारी कार्यरत छन । काठमाडौंमा शाखा र पोखरामा समेत सहकार्यमा गरेर खोलिएको छ । अष्ट्रेलियाको सिड्नीमा समेत कार्यालय रहेको छ ।