खोज

बुटवल, १० वैशाख ।

बजार ब्यवस्थापन तथा बिक्रि कर्मचारी संघ (ओम्स) नेपालको लुम्बिनी प्रदेश भेलाले अर्जुन नेपालको अध्यक्षतामा २१ सदस्यीय नयाँ नेतृत्व चयन गरेको छ । जसको उपाध्यक्षमा राम भण्डारी, सचिव हरि चुंडाली, सहसचिव मनोज न्यौपाने, कोषाध्यक्ष गोविन्द ज्ञवाली, संगठन सचिव माधव पौडेल तथा सदस्यहरुमा प्रकाश खत्री, जंग बहादुर खड्का, ज्ञानहरी नेपाल, प्रवेश अहमद, शिव रेग्मी, विमल पाण्डे, शक्ति श्रेष्ठ, शिवप्रसाद शर्मा, लक्ष्मण केसी, यज्ञ प्रसाद पन्थी, सुशिल ज्ञवाली, दिपेन्द्र खड्का, कपिल कँुवर र प्रदिप केसी छन् ।

यसैगरी भेलाबाट गंगासागर पन्थीको अध्यक्षतामा प्रदेश कमिटी समेत गठन भएको छ । जसको उपाध्यक्ष झपेन्द्र भट्टराई, सचिव शंकर पाण्डे, संगठन सचिव हिम केसी, सहसचिव सतिश कशौधन, कोषाध्यक्ष गोकुल खड्का, सदस्यहरुमा नवराज आचार्य, प्रकाश भण्डारी, अतुल गुप्ता, झम विश्वकर्मा, हरि गौतम, किरण डाँगी, बिष्णु खत्री, पुस्कर आचार्य, मिनप्रसाद पराजुली, बालकृष्ण ज्ञवाली, मिलन पोख्रेल र जगदिश घिमिरे सर्वसम्मत चयन भएका छन् ।

नयाँ वर्ष २०८१ को अवसरमा आयोजित वनभोज, क्यालेन्डर विमोचन तथा शुभकामना आदानप्रदान कार्यक्रमको जिफन्ट केन्द्रीय उपाध्यक्ष कमल गौतमले उद्घाटन गर्दै हकअधिकारका बारेमा संगठित गर्न संस्थाको भूमिका रहेको बताए । वस्तुको गुणस्तरको बारेमा बजारमा बुझाउने जस्तो महत्वपूर्ण भूमिका निभाउने पेशामा रहेकाहरु संगठित हुनेमात्र नभई सामाजिक कार्यमा समेत अगाडि रहेको उनले बताए । ऐनबाट दिईएको सुविधा अनुसार गठन भएको संस्था भएको हुँदा पनि यसलाई सही ढंगबाट चलाउनुपर्ने बताए । बौद्धिक विषयसंग जोडिएको पेशाकर्मीहरु आफ्नो अधिकारप्रति सजग हुनुपर्ने उनले बताए । राजनीतिक दलको झण्डा भन्दा बाहिर अधिकारको लागि लाग्नुपर्ने उनले बताए । नाम अनुसार नै स्वतन्त्र संस्थामा आवद्ध हुने विषयमा समेत ध्यान दिनुपर्ने बताए । ट्रेड युनियनलाई स्वतन्त्र ढंगबाट चलाउन जरुरी रहेको उनले बताए । श्रम ऐनको परिकल्पना अनुसार कार्यान्वयन भएमा कुनै प्रकारको बाधा नहुने तर्क दिदै रोजगारदाता कामप्रति वफादारिता पहिलो प्राथमिकता रहने र त्यसपछि नियुक्ति पत्र, ज्याला नदिने जस्ता समस्यामा आएको खण्डमा संस्थागत रुपमा पहल गर्ने उनले बताए । सामाजिक सुरक्षा कोषमा आवद्ध गराउने कामबाट एक हिसाबबाट कर्मचारीहरुको हकहितको पक्षमा जित भएको उनले बताए । प्रत्येक श्रमिकहरु श्रम ऐन, कानुन ऐन, सामाजिक सुरक्षा ऐनजस्ता नीतिगत विषयलाई टेकेर लाग्नुपर्ने उनले सुझाव दिए ।

कार्यक्रममा ओम्सका केन्द्रीय अध्यक्ष सुर्य पराजुलीले नेपालको ट्रेड युनियनको लामो ईतिहास रहेको भन्दै बजार प्रतिनिधिहरुको हकहितमा लागेर ट्रेड युनियनमा पहिचान बनाउन सफल भएको बताए । संस्थालाई देशब्यापी रुपमा संस्थागत रुपमा एकतावद्घ र संगठित गर्ने गरी अघि बढाएको उनले बताए ।

कार्यक्रममा नेपाल उद्योग वाणिज्य महासंघका केन्द्रीय सदस्य उज्ज्वल कसजुले कर्मचारीहरुलाई सामाजिक सुरक्षा कोषमा लैजाने काम आफ्नो कार्यकालमा शुुरु गरेको बताए । बैंकको ब्याजदरलाई नीतिगत रुपमा सिगल डिजिटमा लैजाने पहलका लागि संस्थागत रुपमा गरेको उनले बताए । ब्यावसायिक हकहितको पक्षमा निरन्तर पहल गरेको उनले बताए ।

कार्यक्रममा बुटवल उद्योग वाणिज्य संघका उपाध्यक्ष सुरज भट्टराई, ओम्सका केन्द्रीय उपाध्यक्ष लेखनाथ कँुवर, जिफन्ट लुम्बिनी प्रदेशका अध्यक्ष हुमाकान्त काफ्ले, रुपन्देही उद्योग संघका वरिष्ठ उपाध्यक्ष कृष्ण पराजुली, उद्योग व्यापार संघका अध्यक्ष विष्णु प्रसाद पाण्डे, समाजसेवी नरिश्वर शर्मा, कार्यक्रम संयोजक गोबिन्द वलीले शुभकामना दिए । हाल लुम्बिनी प्रदेशमा ६ हजार जना संगठित रहेका छन । देशभर १० हजार आवद्ध भई ब्यवसायिक हकहितका लागि संगठित छन् ।