खोज

बुटवल, २० चैत ।

ज्योतिनगर क्षेत्र विकास परिषद खानेपानी तथा सरसफाइ उपभोक्ता सस्था ज्योतिनगर बुटवल ३ को १८ औं साधारणसभा ज्योति नगरमा मङ्गलबार सम्पन्न भएको छ ।

साधारणसभामा बोल्दै बुटवल उपमहानगरपालिकाका नगर प्रमुख खेलराज पाण्डेले ज्योतिनगर पहिरो अहिलेको अबस्थामा जटिल भएको र राष्ट्रपति चुरे संरक्षणबाट बजेट ब्यवस्थापन गर्न नगरपालिका लागि परेको बताउँदै आगामी दिनमा ज्योतिनगर पहिरोको दिगो ब्यवस्थापनका लागि नगरपालिका चिन्तित रहेको बताए ।

ज्योतिनगर क्षेत्र विकास परिषद खानेपानी तथा सरसफाइ आयोजनाको पानी यो क्षेत्रको लागि पर्याप्त नभएको अफुलाई महसुस भएको भन्दै उनले अब छिटै झुम्सा खानेपानी आएपश्चात यो समस्या हटेर जाने बताए ।

बुटवल उपमहानगरपालिकाका उपप्रमुख सावित्रादेवी अर्यालले जनताको मौलिक अधिकार भित्र पर्ने गास, बास, कपास भए जस्तै स्वास्थ्य, शिक्षा, शुद्ध खानेपानी लगायतका कुरालाई हाम्रो सहज पहुँच र उपलब्धता हुने गरी जनतालाई सेवा प्रवाह गर्न नगरपालिका लागि परेको बताइन् । उनले यसलाई नगरपालिकाले ब्यबस्थापन गर्दै जाने बताइन् ।

कार्यक्रममा खानेपानी महासंघ लुम्बिनी प्रदेशका अध्यक्ष मान प्रसाद गैरे, खानेपानी डिभिजन कार्यालय योगिकुटीका विनोद पोखरेल, बुटवल उपमहानगरपालिका वडा नम्बर ३ का वडा अध्यक्ष विष्णु ढकाल, उपभोक्ता हित संरक्षण मन्च नगर अध्यक्ष समुन्द्र जिसी, सस्थापक अध्यक्ष कमल गौतम, निवर्तमान अध्यक्ष सहदेव श्रेष्ठ, संघ संस्थाको तर्फबाट सरस्वती ठकुरी पुन, सस्थाका अध्यक्ष चेत बहादुर गुरुङ, सचिव नारायण रानाभाट, सदस्य ईश्वरी पन्थ बस्याललगायतले मन्तव्य व्यक्त गरेका थिए ।

१८ औं साधारणसभामा सस्थाका अध्यक्ष चेत बहादुर गुरुङले सस्थाको वार्षिक प्रतिवेदन, सचिव नारायण बहादुर रानाभाटले सचिवको प्रतिबेदन र कोषाध्यक्ष डोलराज बस्यालले सस्थाको आर्थिक प्रतिबेदन प्रस्तुत गरेका थिए ।