खोज

लमही, २७ फागुन ।

गत शुक्रबार सवारी दुर्घटनामा परी मृत्यु भएका अटो चालक विष्णु बहादुर थापाको परिवारले आइतबार दिउँसोदेखि पूर्वपश्चिम महेन्द्र राजमार्ग खण्डको अर्जुनखोलामा सडक अवरुद्ध गरेका छन् । मृतक थापाको श्रीमती प्रिता थापा मगरसहित आन्दोलनमा उत्रिएका हुन् । राजमार्ग अहिले पूर्णरूपमा ठप्प भएको छ । तीनदिनदेखि शव नेपालगंज भेरी अस्पतालमा राखिएको छ । मृतकका परिवारले शव अहिलेसम्म बुझेका छैनन् । सुरक्षाकर्मी परिचालन गरिएको छ ।

शुक्रबार अर्जुनखोलामा ४ वटा सवारी साधन एक आपसमा ठोक्किदा दुर्घटना भएको थियो । एकै स्थानमा अटोरिक्शा, मोटरसाइकल, स्कुटी र स्कार्पियो ठोक्किएका थिए । अटोको पछाडी रहेको रा २ प ५३८० नम्बर मोटरसाइकल, रा ७ प ३५२६ नम्बर स्कुटीलाइ समेत ठक्कर खाएका थिए । दुर्घटनामा संलग्न गोदावरी नगरपालिका ७ देबिचौरका ३१ बर्षिय दिनेशमान तामाङलाई प्रकाउ गरिएको छ ।

दुर्घटनामा स्कुटी चालक लमही नगरपालिका ७ का बर्ष २१ का विश्व खडका र मोटरसाइकल सवार राजपुर गाउपालिका ३ का २२ बर्षिय दिपक घर्ती, गढवा ६ का १९ बर्षिय मनिष सार्की र अटो चालक लमही ७ कमानपुरका ३५ बर्षिय बिष्णु बहादुर थापा, अटोमा सवार ५५ बर्षिय कस्मिर सिह, ४० वर्षिय कस्मिर सिह घाइते भएका छन् । ती दुबै भारत उत्तर प्रदेशका रहेको वडा प्रहरी कार्यालय लमहीका प्रहरी निरीक्षक शकर श्रेष्ठले बताए । रिफर भएका थापाको शुक्रबार नै उपचारका क्रममा मृत्यु भएको थियो ।