खोज

गैंडहवा ।

रूपन्देहीको शुद्धोधन गाउँपालिकामा जग्गाधनी दर्ता प्रमाणपूर्जा (लालपूर्जा) वितरण गरिएको छ ।

राष्ट्रिय भूमि आयोग रूपन्देहीको आयोजना तथा शुद्धोधन गाउँपालिकाको समन्वय एवं सहजीकरणमा पालिकाको वडा नं. ४ का अब्यवस्थित बसोबासीहरूलाई लालपूर्जा वितरण गरिएको हो ।

राष्ट्रिय भूमि आयोग रूपन्देहीका अध्यक्ष हरिबहादुर आचार्य क्षेत्रीले पछिल्लोपटक नेपालका २७ जिल्लामा आयोग गठन भएको र रूपन्देही देशभरमा पहिलो भएको उनको दाबी छ । उनले रूपन्देहीमा ३५ हजार पूर्जा तयार रहेको बताउँदै जनताले पुर्जा लिने वातावरण बनाउन दलहरूको पनि भुमिका रहने बताए ।

जनताको माग अनुसार काम गरिएको भन्दै उनले शुद्धोधनका सातै वडामा पुर्जा वितरण गरिने बताए । सो अवसरमा शुद्धोधन गाउँपालिका अध्यक्ष विष्णुप्रसाद बस्यालले बोल्दै बर्षाैंदेखि रोकिएको काम पूरा गर्न सफल भएको र अहिलेको जिल्ला भूमि आयोगको क्रियाशीलताका कारण आफूहरूलाई काम गर्न सहज भएको बताए ।

बस्यालले लालपुर्जा वितरणका लागि राज्यले राजश्व घटाउनुपर्ने, भूमिहीनलाई सहज बनाउनुपर्ने उल्लेख गरे । बस्यालले पालिकाका सातवटै वाडमा कानुनले दिएका जग्गामा सिमांकन सकिएको र कित्ताकाट बाँकी रहेको र नापजाँचमा वडा अध्यक्ष, जनप्रतिनिधि र ७२ टोलविकास संस्थाले सहकार्य गरेर अघि बढ्नुपर्नेसबैलाई आग्रहसमेत गरेका थिए ।