खोज

बुटवल ।

नेपाली कांग्रेसको यही माघ १६ देखि २६ सम्म जारी ‘समुदायमा कांग्रेस’ अभियान अन्तर्गत सिद्धार्थनगर वडा नं. ९ गोलिगढमा सरसफाई कार्यक्रम सम्पन्न भएको छ ।

सरसफाई कार्यक्रमको शुभारम्भ नेपाली कांग्रेस क्षेत्र नं ३ रुपन्देहीका क्षेत्रीय सभापति युवा नेता सुशील गुरुङ्गले गरेका थिए । नेपाली कांग्रेस सिद्धार्थनगर वडा नं. ९ का सभापति श्याम सुन्दर खनालका अनुसार समुदायलाई सरसफाईप्रति जागरुक बनाउन यो कार्यक्रम गरिएको हो ।

कार्यक्रममा नेता गुरुङ्गले यस अभियानले टोल–छरछिमेकमा सरसफाईका साथ समाजमा बसोबास गरेका आम समुदायलाई स्वास्थ्यप्रति सजक रहन पनि सरसफाईमा ध्यान दिनुपर्ने कुरामा जनचेतना फैलाउन र पार्टीलाई तल्लो तहका समस्याहरुलाई नजिकबाट बुझ्न र समाधान गर्न सहज हुने बताए ।

सरसफाई कार्यक्रम गोलीगढ टोल सुधार समितिको सहयोग र समन्वयमा सम्पन्न भएको थियो भने सोही कार्यक्रममा सरसफाईका लागि आवश्यक झाडु, माक्स, ग्लोब्स आदि सामग्रीहरु सहयोग स्वरुप टोल सुधार समितिका संयोजक युवराज पाण्डेलाई हस्तातरण गरिएको थियो ।

सरसफाई कार्यक्रममा नेपाली कांग्रेसका क्षेत्रीय सचिव लेखनाथ भट्टराई, कोषाध्यक्ष कृष्ण खनाल, नगर सचिव अनिल कुमार के.सी., समाजसेवी राममिलन यादव, शिक्षक देवराज पन्थी, आकाश पौडेल, ओम खनाल, वडा नं. ९ का सचिव फणेन्द्र पौडेललगायतले सहभागिता जनाएका थिए ।