खोज

लमही, १८ पुस ।

अन्तरप्रदेश भ्रमणमा रहेका गण्डकी प्रदेशका सभामुख कृष्ण प्रसाद धितालको टोलीलाई लुम्बिनी प्रदेश सभामा बुधबार स्वागत गरिएको छ ।

लुम्बिनी प्रदेशसभाका सभामुख तुलाराम घर्ती मगर, उपसभामुख मेनुका खाण केसी, प्रदेश सभा सदस्य मिना बुढामगर, मिना कुमारी श्रेष्ठ, प्रदेश सभा सचिब दुर्लभ कुमार केसी लगायतले उनीहरुलाई स्वागत गरिएको हो ।

गण्डकी प्रदेश सभाका सभामुखको टोलीले लुम्बिनी प्रदेश सभाहलको अवलोकन गर्नुका साथै अनुभव साटासाट अन्तकृया समेत भएको थियोे । कार्यक्रममा लुम्बिनी प्रदेशका सभामुख घर्ती मगरले प्रदेश सभा र स्थानीय तहलाई जोड्ने उद्देश्यले स्थानीय तहसंग प्रदेश सभा, प्रदेश सभामा बिद्यार्थी पहुँच कार्यक्रम गरिएको जानकारी गराउँदै यसको सकारात्मक प्रभाव परेको बताए ।

त्यसैगरी गण्डकी प्रदेशका सभामुख धितालले आफुले अस्ट्रेलियाको संसद मोडेल हेरेको त्यहाँको संघीयतामा भन्दा नेपाली मोडेल नयाँ र सभामा बढी समाबेशी रहेको बताए । उनले लुम्बिनी प्रदेश सभाको भौतिक संरचना बेलायती मोडेल भएको आफुले पाएको उनले बताए । गण्डकी प्रदेश सभाका सचिव हरि प्रसाद पोख्रेलले लुम्बिनी प्रदेशबाट सिक्नु पर्ने कुरा धेरै भएको बताए । उनले कर्मचारीको अभावका बिच पनि प्रदेश सभाको काम कारवाही राम्रो गरेको बताए ।