खोज

दाङ, २६ मङ्सिर ।

ज्ञानसिन्धु कलेज घोराही दाङका कानुन संकायमा अध्ययनरत कक्षा ११ र १२का विद्यार्थीहरुले उच्च अदालत तुलसीपुरको अबलोकन गरेका छन् । अदालतका रजिस्ट्रार खड्गराज अधिकारी, शाखा अधिकृत कृष्णप्रसाद आचार्य समेतका अधिकृतहरुबाट उच्च अदालत तुलसीपुरको क्षेत्राधिकारको बिषयमा जानकारी गराउनुका साथै बिद्यार्थीहरुले राखेका जिज्ञासाको जवाफ दिएका थिए । अवलोकनका क्रममा विद्यार्थीहरुले ईजलास कक्षको अवलोकन गरेका थिए । मुद्दाका पक्षहरुको तर्फबाट कानून व्यबसायीले गर्ने बहस गर्ने स्थानको अबलोकन गरेका थिए । उच्च अदालतले मुद्दाको सुनुवाई गर्दा अबलम्बन गरिने कार्यबिधि लगाएतका थुप्रै बिषयमा त्यहाका रजिस्टारले जानकारी गराएका थिए ।

उच्च अदालत बार ईकाईका बरिष्ठ अधिवक्ताहरुसंग मुद्दाको मस्यौदा लेख्दा अबलम्बन गरिने कार्यबिधि र बिचार पुर्याउनु पर्ने बिषयमा समेत खुलेर छलफल गरेका थिए । विद्यालयका प्रधानाध्यापक तथा राप्ती शिक्षा क्याम्पसका क्याम्पस प्रमुख हुकुम बहादुर बुढाथोकी लगायतको उपस्थिती रहेको थियो । कनुनका विद्यार्थीले अदालत अवलोकनबाट अदालतको कार्यविधि नजिकबाट नियाल्न पाएको अनुभव सुनाएका थिए । कार्यक्रमको सहजीकरण शाखा अधिकृत राजेन्द्रकुमार शर्माले गरेका थिए ।